कृष्ण कुँवर — अन्तर्राष्ट्रिय प्रविधि प्रतिस्पर्धा कोडाभर ७.० अन्तर्राष्ट्रिय प्रतियोगिता (Codeavour 7.0 International Competition) —मा सहभागी हुन छनौट भएका तीन नेपाली विद्यार्थी आर्थिक अभावका कारण प्रतियोगितास्थल इन्डोनएशियाको जाकार्ता पुग्न कठिनाइमा परेका छन् ।
प्रतियोगिता आगामी मे १६ र १७ (जेष्ठ -२ र ३ गते ) मा आयोजना हुँदैछ। सुनगाभा कलेज खैरेनी पर्साका कक्षा १२ का गुञ्जन शर्मा कर्ण, कक्षा ११ का परिभाषा पाठक र श्रीष्टी शंकर सम्मिलित समुह DEBSS ले राष्ट्रिय स्तरको प्रतिस्पर्धामा उत्कृष्ट प्रदर्शन गर्दै सिनियर क्याटेगोरीमा प्रथम स्थान हासिल गरेपछि अन्तर्राष्ट्रिय प्रतियोगिताका लागि छनौट भएका हुन् ।
उनीहरू विश्वभरबाट छनौट भएका उत्कृष्ट टोलीहरूमध्ये शीर्ष ३५ प्रतिनिधि समूहमा समेत पर्न सफल भएका छन् ।
टोलीले तयार पारेको ‘AeroSense’ नामक परियोजनाले वातावरणीय अनुगमनका लागि आधुनिक प्रविधिको प्रयोग गरेको छ । यस परियोजनामा रियल–टाइम IoT डेटा, लाइभ वेब भिजुअलाइजेशन र जीयोस्पेसियल म्यापिंग प्रविधी प्रयोग गरेको छ, जसले वातावरणीय अवस्थाबारे वास्तविक समयमा जानकारी विश्लेषण गर्न सहयोग पुर्याउने बताइएको छ ।
प्रतियोगितामा सहभागी हुन प्रति सदस्य करिब १ लाख ६० हजार रुपैयाँ खर्च अनुमान गरिएको छ । यसमा हवाई टिकट, भिसा, बसोबास तथा भोजन खर्च समावेश छन् । आर्थिक अभावका कारण उक्त टोलीले आवश्यक सहयोगका लागि विभिन्न निकाय तथा सरोकारवालासँग सहयोगको अपेक्षा गरेका छन् ।
नेपालका लागि प्रतियोगिताको व्यवस्थापन तथा समन्वय देशीय साझेदार Skillsup Global Pvt. Ltd. ले गरिरहेको छ । संस्थाका प्रमुख कार्यकारी अधिकृत निश्चल् प्रधानले उक्त टोलीले अन्तर्राष्ट्रिय मञ्चमा नेपालको प्रतिनिधित्व गर्दै नवप्रवर्तन र प्रविधिको उत्कृष्ट उदाहरण प्रस्तुत गर्ने विश्वास व्यक्त गरेका छन् । ५ दिनका लागि विदेश जान लागेका ३ जना बिद्यार्थीहरुलाई ४ लाख ८० हजारको आवश्यकता भएको तर परिवारको आर्थिक स्थिति कमजोर भएको कारण जोकोहिले पनी सम्पर्क गरेर सहायता गर्न सक्नेछन् ।
टोलीका सदस्यहरू गुञ्जन शर्मा कर्ण — खैरहनी–६, पर्सा | सम्पर्क: ९७६६३४७९१३, परिवाषा पाठक — राप्ती–३, झुरझुरे | सम्पर्क: ९८४००७९५३९, श्रीष्टी शंकर — मनहरी–७, मकवानपुर | सम्पर्क: ९७६१७६१८६७ ।
सहयोगका लागि बैंक विवरण
नाम: Gunjan Sharma Karna
बैंक: मुक्तिनाथ विकास बैंक
खाता नम्बर: 04122301406970000001
