काठमाडौं । राष्ट्रिय स्वतन्त्र पार्टीका तर्फबाट प्रतिनिधि सभा सदस्यकाे उमेदवार रहेका प्रदिप बिष्टले फागुन २१ गते भएको निर्वाचनमा ७,४९,१०६ रुपैयाँ खर्च भएको विवरण निर्वाचन आयोगलाई बुझाएका छन्।
काठमाडौं निर्वाचन क्षेत्र नं. १० बाट उम्मेदवार बनेका बिष्टले बुधबार निर्वाचन आयोगमा चुनावमा भएको खर्च विवरण बुझाएका हुन्। बिष्टले बुझाएको खर्च विवरणमा सबभन्दा बढी खाना तथा कल्याणमा ३ लाख ७५ हजार ८९५ देखाएका छन्प्र। चार प्रसार सामग्री छपाई तथा स्टेसनरिमा ८८ हजार ४९६ खर्च भएको उल्लेख छ।
त्यस्तै, फाेटाे भिडियाे तथा विद्युतीय उपकरणमा ३० हजार, पाेषाक,लुगा तथा झण्डामा २लाख १० हजार र अन्खाय खर्जाच सहित उक्त रकम खर्च भएकाे विवरणमा उल्लेख छ।
आयोगले प्रत्यक्षतर्फका १६५ वटा निर्वाचन क्षेत्रलाई भौगोलिक अवस्था, पहुँच, सुविधा र सेवा नेटवर्क मूल्याङ्कनका आधारमा पाँच वर्गमा विभाजन गरी २५ लाख देखि ३३ लाख रुपैयाँ सम्मको खर्च निर्धारण गरिदिएको थियो।
जसअनुसार भक्तपुरका दुई वटै निर्वाचन क्षेत्रका उम्मेदवारहरूले २९ लाख रुपैयाँको सीमाभित्र रहेर खर्च गर्न पाउने गरी आयोगले खर्च निर्धारण गरिदिएको थियो। जिल्ला निर्वाचन कार्यालय काठमाडौंले सूचना जारी गर्दै निर्वाचनको मत परिणाम सार्वजनिक भएको ३० दिन भित्रमा आफ्नो चुनावी खर्च विवरण पेस गर्न सबै उम्मेदवारहरूलाई आग्रह गरेको छ।
