भक्तपुर। फागुन ४ गत्तेबाट चुनावी घरदैलो का लागि निर्वाचन आयाेगबाट अनुमति पश्चात् चुनावि घरदैलाेमा हाेमिएकाे भक्तपुर क्षेत्रनं. १ कांग्रेसले भाेलि अन्तिम दिन चाँगुनारायण नगरपालिका वडानं १ सरस्वती खेलबाट घरदैलोकाे कार्यक्रम सम्पन्न गर्ने जनाएकाे छ।
चुनाव प्रचार प्रसार संयाेजक समुन्द्र थापाका अनुसार बिहान ८:०० बजेबाट उक्त वडा अन्तर्गतको मतदाताहरुकाे घरदैलोमा मतमाग्न जाने र साे घरदैलाेकाे कार्यक्रम दिनकाे २:०० सरस्वतीखेल बसपार्कमा समापन हुने जनाइएकाे छ।
२:०० बजे घरदैलो कार्यक्रमकाे समापन पश्चात् ३:०० बजे चाँगुनारायण नगरपालिका वडानं १ र ३ सिमाना न्याैपाने गाउँ स्थित चाँगुनारायण मा.बि. छेउकाे खुल्ला मैदानमा चुनावी सभा हुने प्रचार प्रसार संयाेजक थापाले बताएका छन्।
उक्त कार्यक्रममा गायिका प्रतिमा अर्याल र प्रदिप राेक्काकाे सङ्गितिक प्रस्तुति रहनेछ छ भने, साे सभालाई संवाेधन गर्न केन्द्रीय सह-महामन्त्री डा. डिला सङ्ग्राैला लगाएकाे केन्द्रीय नेताहरुकाे बाक्लाे उपस्थिति रहने समेत थापाले बताएका छन्।
