कृष्ण कुँवर। पर्वत फलेवास नगरपालिका–२ थापाठानाका स्थानीय भलिबल खेलाडी युवाहरूलाई “थापाठानाका युवाहरू” फेसबुक समूहका सञ्चालक कृष्ण कुँवर (कर्नेलियस) को पहलमा खेल सामग्री वितरण गरिएको छ।
शारीरिक र मानसिक रूपमा स्वस्थ रहनका लागि बालबालिका र युवाहरूलाई खेलकुद अत्यावश्यक भएको तर खेल सामग्रीको अभाव रहेको जानकारी शिव कुँवर (समिर) ले समूह सञ्चालकलाई दिएका थिए। उक्त जानकारीपछि समुह सञ्चालक कुँवरले खेल सामग्री संकलन अभियान शुरु गरेका थिए।
अभियानमा कृष्ण कुँवर (कर्नेलियस), सम्मा कुँवर, मदनजंग कुँवर, अशोक कुँवर, रमेश भण्डारी, शंकरजंग थापा, लक्ष्मी तिवारी, राखि थापा, निर्मल कुँवर, प्रकाश कुँवर, योगेन्द्र कुँवर, अर्जुन मगर, अमृत मगर, लोकबहादुर थापा मगर र दीपक थापा मगरले आर्थिक सहयोग गरेका थिए।
संकलित ने.रु. ४४,५०० बराबरको रकमबाट मिकासा भलिबल – ८ वटा, डबल जाली – ६ थान, फुटबल – १ वटा, र पम्प – १ वटा असली सामग्री खरिद गरी वितरण गरिएको थियो। सामग्री वितरण कार्य थापाठाना माध्यमिक विद्यालयका भूतपूर्व शिक्षक प्रेम श्रेष्ठको हातबाट सम्पन्न गरिएको हो।
खेल सामग्री खरिदमा श्याम के.सी र दीपक कुँवर, यातायात व्यवस्थापनमा दलबहादुर थापा, तथा सामाजिक सल्लाहकारका रूपमा गोविन्द के.सी र रुजितबिन्दु श्रेष्ठले सहयोग गरेका थिए।
आर्थिक पारदर्शिताका लागि सबै बिल र विवरण फेसबुक समूहमै सार्वजनिक गरिएको समूहका सञ्चालक कृष्ण कुँवरले बताए। उनका अनुसार, “यस्ता स–साना सामाजिक पहलहरूले समुदायमा सेवा भावना र एकताको लागी प्रेरणा जगाउनेछन्।”
