कृष्ण कुँवर। आईसीसी क्रिकेट विश्वकप लिग–२ अन्तर्गत आईतवार नेपाल र अमेरिका बीच एकदिवसीय (ODI) क्रिकेट खेल हुँदैछ।
खेल दुबई अन्तर्राष्ट्रिय क्रिकेट स्टेडियममा नेपाली समय अनुसार बिहान ११:१५ बजे सुरु हुनेछ।
आईसीसी विश्वकप लीग २ को पाँचौ चरणको प्रतिस्पर्धाको यो खेल दुबै टिमका लागि महत्वपूर्ण मानिएको छ। दुबईस्थित नेपाली क्रिकेट समर्थकहरू खेल हेर्न स्टेडियममा उपस्थित हुने तयारीमा छन। नेपालका खेलप्रेमीहरू भने सामाजिक सञ्जालमार्फत टिमलाई शुभकामना दिईरहेका छन्।
लिग २ का खेल कात्तिक १९ गतेसम्म चल्ने छन्। यसअघिका शृङ्खला जस्तै प्रत्येक टोलीले एकअर्कासँग दुई-दुई खेल खेल्ने छन्।
नेपाली खेलाडीहरु : रोहित पौडेल (कप्तान), कुशल भुर्तेल, आशिफ शेख, अनिल शाह, भीम सार्की, कुशल मल्ल, दीपेन्द्रसिंह ऐरी, आरिफ शेख, गुलशन झा, शाहब आलम, सोमपाल कामी, सन्दीप लामिछाने, करण केसी, नन्दन यादव र ललित राजवंशी लाई यी खेलहरुमा देख्न पाइनेछ।
