कृष्ण कुँवर। १३ अप्रिल २०२४ मा, ACC Men’s Premier Cup अन्तर्गत ओमानको अल अमेरात क्रिकेट मैदानमा नेपालका दिपेन्द्रसिंह एरिले कतारका कमरान खानको बलमा अन्तिम ओभरमा लगातार ६ छक्का प्रहार गरेका थिए। आइतवार नेपाल र कतारको खेल हुनु अघि त्यो क्षणको स्मरण धेरैले गरेका छन्।
नेपालको क्रिकेट इतिहासमा पहिलो पटक कुनै ब्याट्सम्यानले T20 अन्तर्राष्ट्रिय खेलमा ६ छक्का लगातार हानेको ऐतिहासिक रेकर्ड हो। सो खेलमा नेपालले कतारलाई ३२ रनले पराजित गरेको थियो, र दिपेन्द्रसिंह एरि ‘प्लेयर अफ द म्याच’ घोषित भएका थिए।
ओमानमा भैरहेको ICC पुरुष टी-20 विश्वकप एसिया तथा ईस्ट एसिया–प्यासिफिक छनौटका लागि सुपर सिक्स मा खेलिरहेको नेपालले आइतबार युएईलाई एक रनले हराएको थियो।
सोहि मैदानमा सोमबार नेपालको समय ८:45 मा नेपाल कतारसँग खेल्नेछ। कतारसँगको यो खेल जितेमा टि20 विश्वकपमा छानिन नेपालले अंक तालिका कुर्नुपर्नेछ भने यो संगै अर्को खेल जितेमा नेपाललाई २०२६, ७ फेब्रेवरीबाट मार्च ८ सम्म इन्डिया र श्रीलङ्का हुने टि-20 बिश्वकपमा देख्न पाउनेछौं।
नेपाल र कतारबीच टी-२०आईमा हालसम्म ३ पटक भेट भएको छ। २ खेलमा नेपाल विजयी भएको छ भने १ खेल कतारले जितेको थियो।
