कृष्ण कुँवर। युएईको सार्जाह क्रिकेट खेलमैदानमा भएको युनिटी कप क्रिकेटमा नेपालले वेस्ट इन्डिजलाई लगातार हराउँदै युनिटी कप जितेको छ।
दुईपटक सम्मको विश्व विजेता वेस्ट इन्डिजलाई पहिलो खेलमा १९ रनले हराएको नेपालले दोस्रो खेलमा उत्कृष्ट खेल खेल्दै ८३ रनमा अलाउट गरिदिएर ९० रनले जित हाँसिल गरेको हो।
नेपालले १७४ रनको बलियो लक्ष्य दिएपछि वेस्ट इन्डिज १७.१ ओभरमा ८३ रनमा अलआउट भयो। वेस्ट इन्डिजका लागि जेसन होल्डरले सर्वाधिक २१ रन बनाएका थिए।
नेपालका आदिल आलमले ४ ओभरमा २४ रन दिएर ४ विकेट लिए। कुशल भुर्तेलले ३ ललित राजवंशी र दीपेन्द्रसिंह ऐरीले १-१ विकेट लिए।
टस जितेर पहिले ब्याटिङ गरेको नेपालले २० ओभरमा ६ विकेट गुमाएर १७३ रन बनाएको थियो । नेपालका लागि ओपनर आसिफ शेख र सन्दीप जोराले अर्धशतक पार गरेका थिए। आसिफले ४७ बलमा ६८ रन बनाए। संजीब जोराले ३९ बलमा ६३ रन बनाए ।
नेपाल ४३-३ को अवस्था हुँदादेखि आसिफ र जोरा मिलेर चौथो विकेटका लागि १०० रनको साझेदारी गरेका थिए। फराकिलो जित अन्तरले हराएको नेपाल् वेस्ट इन्डिजमाथि निरन्तर हावी भइरह्यो।
