कृष्ण कुँवर। युएईको दुवई प्रान्तको डल्सको खेल मैदानमा सहदेव स्मृति कप फुटबल २०२५ भव्यताका साथ सम्पन्न भएको छ।
सहदेव स्मृति कप फुटबल खेलमा लालीगुराँस फुटबल क्लब विजेता बनी ६ हजार एकसय एघार दिराम (ने. रु. दुई लाख तेत्तिस हजारभन्दा बढी ) प्राप्त गरेको छ भने उपविजेता चन्द्र सूर्य फुटबल क्लब बनेको छ। उपविजेताले चार हजार एकसय एघार (ने. रु. एकलाख सन्ताउन्न हजार भन्दा बढी ) पुरस्कार राशि हात पारेको छ।
फेयर प्लेको उपाधि तामाङ समाज क्लबले पाएको थियो।
वर्ल्ड मङ्स फुटबल क्लबले आयोजना गरेको खेलमा उन्फा (युएई नेपालिज फुटबल एसोसिएसन U.N.F.A.) मा आबद्ध भएका बिसवटा खेल समूह सहभागी थिए।
खेलाडी सहदेव सुब्बाको सम्झनामा युएईमा २०१९ देखि वर्षेनी खेल खेलाईने गरेको छ। सहदेव सुब्बा व्यवसायिक भेटरान्स खेलाडी थिए। उनी दार्जिलिङका थिए। सहदेव ओल्मक्समा आबद्ध थिए। २०१९ मा सहदेबको मृत्यू पछी उनको सम्झनामा खेलाइने यो फुटबल खेल नेपाली फुटबल क्लबहरूको ठूलो प्रतियोगिता पनि मानिन्छ, युएईमा नेपाली हरुको पुरानो क्लब ओल्मक्स फुटबल क्लबका अभिभावक, उन्फाका अध्यक्ष अनिल शेर्पाले बताए।
