कृष्ण कुँवर। नेपालको संविधान २०७२ मा निहित रहेर संविधानलाई पालन गर्ने प्रतिज्ञा सहित सुशीला कार्कीले प्रधानमन्त्रीको शपथ ग्रहण गरेकी छिन्।
प्रधानमन्त्री सुशिला कार्कीलाई राष्ट्रपति रामचन्द्र पौडेलले शीतल निवासमा शपथ ग्रहण गराएका हुन्। छ महिना भित्रमा प्रतिनिधि सभाको चुनाव गराउने गरी देशले पहिलो अन्तरिम महिला प्रधानमन्त्री पाएको छ।
हामी नेपाल संस्थाकाे अध्यक्ष सुदन गुरुङ सहित “जेनजी” युवा युवतीहरूले भदौ २३ र २४ गतेको आन्दोलनपछि संसद विघटन र अन्तरिम सरकारको माग गरेका थिए। सोही माग अनुसार देशले नेपालको संविधान २०७२ मा निहित रहेर प्रधानमन्त्री पदको शपथ खाएकी छिन्। प्रधानमन्त्री सुशीला कार्कीको नेतृत्वमा अब अन्तरिम सरकारको गठन हुने भएको छ।
