हिमांशु राय – मोरङ । बेलबारी साहित्य विकास समितिको आयोजनामा श्याम सिङ्घकद्वारा लिखित आख्यान “कोइलाखाद” माथि परिचर्चा कार्यक्रम मोरङको बेलबारी नगरपालिकाको सभाहलमा सम्पन्न भएको छ।
प्रमुख अतिथि साहित्यकार हर्कमान तामाङले “कोइलाखाद” पुस्तकका बारेमा समिक्षात्मक टिप्पणी गर्दै बिस्तृत चर्चा परिचर्चा गर्नु भयो।
आख्यानकार श्याम शिङ्घक एक अब्बल लेखक भएको कारण उहाँ द्वारा लिखित आख्यानले समसामयिक मानविय जिवन भोगाई लाई मात्र उठान गर्ने नभई एउटा ऐतिहासिक दस्तावेज निर्माण कै बाटोमा लेखक अघि बढिरहेकोले उहाँका पुस्तकहरु विगत,वर्तमान लाई मात्र नभएर भविश्य आउने पिढीहरुको लागि पनि एक पथ प्रर्दशकको रुपमा दस्तावेजिकरणका रुपमा महत्त्वपूर्ण रहेको जिकिर गर्नुभयो।
कार्यक्रममा बेलबारीका अग्रज स्रष्टा तथा राजनीतिकर्मी इरान राई, कोसी साहित्य-कला परिषद् नेपालका तदर्थ समिति अध्यक्ष केशु विरही, प्रगतिशील लेखक सङ्घ नेपाल, कोसी प्रदेशका पूर्व अध्यक्ष तिला लेकाली, स्रष्टा देवेन्द्र खापुङ ‘सुर्केली’, भानु साझा पुस्तकालयका अध्यक्ष पुरन याक्खा, स्वर्णिम साहित्य समाजका अध्यक्ष प्रकाश दिप्सालीलगायतका विभिन्न साहित्यीक तथा सामाजिक संघ संस्थाका प्रतिनिधी एवम विशिष्ट व्यक्तित्वहरूको समेत उपस्थिति रहेको थियो।
स्रष्टा इरान राई र केशु विरहीले पुस्तकको सफलताको शुभकामना मन्तव्य राख्दै पुस्तकका बारेमा चर्चा गर्नु भयो।परिचर्चा कार्यक्रममा धनजित पराजुली, दिलीप राई सगर, बादलदेवी चाम्लिङ, दीप मङ्ग्राती, प्रकाश भट्टराई, खेमचन्द्र अधिकारी, चिरञ्जीवी काफ्ले, राजकुमार राई, गोविन्द चोङबाङ, चक्र लोहोरुङ, सुजता राई, दीपा मङ्ग्राती, राजकुमार लिम्बू, शेरबहादुर खपाङ्गी, दुर्गा खरेल, मुना मिश्र, शारदा दाहाल, मनकुमार गुरुङ,केपी घिमिरेलगायतका स्रष्टा सर्जकहरूको उपस्थिति रहेको थियो।
कार्यक्रमको अध्यक्षता आयोजक संस्था बेलबारी साहित्य विकाश समितिका अध्यक्ष रमेश निरौलाले गर्नुभएकाे थियाे। यसै गरि विकाश समिति कि उपाध्यक्ष लक्ष्मी रेग्मी सुवेदीले प्रमुख अतिथि लगायत कार्यक्रमका अतिथि हरुलाई स्वागत गर्दै स्वागत मन्तब्य राख्नु भएको थियो।भने कार्यक्रमको सञ्चालन सह-सचिव शिव पराजुलीले गर्नुभएकाे थियाे ।
