(१)
कस्ले जित्यो कस्ले हार्यो निचोडका कुरा पछि गरौला
घाउ निको हुन दिनुहोस बिछोडका कुरा पछि गरौला
पैसा नभएर नै घातभएको हो बिस्वासघात भएको हो
माफ गर अहिले हजार छु करोडका कुरा पछि गरौला
किताबको हिसाब मिल्यो जिन्दगीको हिसाब मिल्दै मिल्दैन
अहिले घटाउ र भागमै ब्यास्त छु जोडका कुरा पछि गरौला
स्पस्ट नदेखिने ग्राफ जस्तै हुदा रहेछन भाग्य रेखाहरू
कति काटियो काटियो घुम्ती मोडका कुरा पछि गरौला
के पाए होला ति सीसाको घरमा ढुंगा हान्नेहरुले
सीसा फेरी सकियो तोडफोडका कुरा पछि गरौला।
(२)
के बाँकि रहन्छ र आस गयो भने
तिमीलाई कुर्दा कुर्दै सास गयो भने
सम्झन्छु कहाँ गएर बास बस्नु होला
झुपडीलाई उडाऊँदै बतास गयो भने
हामी धर्ती आकास जस्तै हौं के हुन्छ
यो धर्तीसंग छुटिएर आकास गयो भने
रामायण नलेखिएला केहि त होला
कलीयुगमा मान्छे बनबास गयो भने
म तेहि दिन देखि गजल लेख्न छोडछु
जुनदिन शब्दबाट मिठास गयो भने ।
(३)
उसको भागमा कफी मेरो भागमा चिया छ
मान्छेहरुको पनि आफ्नो आफ्नै दुनिया छ
ति आकासमा उडनेहरू पनि धर्तीमै झर्छन
उडन दिनुहोस न आज पैसा छ रुपिया छ
एक्लोभए कस्लाई याद गरेर रात बिताउ
तिमी मुग्लान पुगौ घरमा रित्तो खटिया छ
आखिर दुबै औजार न हुन भेदभाव किन
तिम्रो हातमा कलम मेरो हातमा हँसिया छ
बस्ने बास र भोक मेटाउने गास छ खुसी छु
कमसेकम आज आमाको
जिउमा फरिया छ।
सर्जक :- शिव पराजुली
ठेगाना :- बेलबारी नगरपालिका वडा नं.११, मोरङ
