डिकेन्द्र बस्नेत, झापा । सामाजिक कार्य लगायत मानवीय सेवामा हरदम लागिरहेको ईसाई समाज दमकले प्रदेश स्तरीय अन्तर ईसाई समाज फुटसल प्रतियोगिता शुक्रबार सम्पन्न गरेको छ । खेलकुद उपसमितिको सहकार्यमा सम्पन्न दोस्रो संस्करणको फुटसल प्रतियोगिताको उपाधि मिक्लाजुङ ईसाई समाज (पाँचथर) विजयी बनेको हो ।
फ्रेण्डसिप, सम्बन्ध र संगति खेलको मुख्य श्लोगन रहेको सो खेल दमक ५ स्थित बिस्ट फुटसल खेलमैदानमा अन्य प्रतिस्पर्धीलाई हराउँदै मिक्लाजुङ इसाई समाज(पाँचथर) र धरान इसाई समाज फाइन खेलमा पुगेको खेलसमिति सदस्य सुरज लिम्बूले बताए ।
कडा प्रतिस्पर्धात्मक खेल खेलेका दुवै समुह बराबरी गोल बनाएका थिए । पेनाल्टी मार्फत मिक्लाजुङ इसाई समाज (पाँचथर) विजेता बनेको छ भने धरान इसाई समाज दोस्रो स्थानमा चित्त बुझाउनु पर्यो।
कार्यक्रमको उदघाटन दमक नगर प्रमुख राम कुमार थापाको प्रमुख आतिथ्य तथा कार्यक्रम संयोजक एल्डर शिखर राईको अध्यक्षता रहेको थियोे । यस्तै विशिष्ट अतिथिमा दमक वडा नं.५ का अध्यक्ष इन्द्रबहादुर गुरुङ, अतिथमा जीवन चक्र समाज नेपालका अध्यक्ष गणेश गौतम, समाजका अध्यक्ष पास्टर हेमन्त सुब्बा, सचिव पास्टर अजय पाठक, समाजका सल्लाहकार पास्टर राजकुमार राई, निवर्तमान अध्यक्ष पास्टर आकाश थुलुङ लगाएत प्रदेशमा रहेका विभिन्न इलाका ईसाई समाजबाट पाल्नु हुने सम्पूर्ण अध्यक्ष, समाजसेवी, पत्रकार र खेलप्रेमिहरुको उपस्थिति रहेको थियो।
फुटसल खेलमा प्रदेश भरिबाट १२ समूह थिए जसमा उर्लाबारी ख्रिस्टियन सोसाइटी, मिक्लाजुङ ख्रिस्टियन सोसाइटी, पाँचथर ख्रिस्टियन सोसाइटी, बिर्तामोड ख्रिस्टियन सोसाइटी, चुलाचुली ख्रिस्टियन सोसाइटी, बिसिएस बेलडाङ्गी, दोमुखा ख्रिस्टियन सोसाइटी, बेलबारी ख्रिस्टियन सोसाइटी, आयोजक ए र आयोजक बि टिम, धरान ईसाई समाज, विर्तामोड ईसाई समाज र बिसिएफ बेलडाँगीको सहभागीता रहेको थियो ।
विजेता बनेको मिक्लाजुङ समाजलाई समापनको प्रमुख अतिथि झापा क्षेत्र नं. ५ प्रदेश ख सांसद होम बहादुर थापाले नगद रु ३०००० (अक्षेरुपि तीस हजार) सहित ट्रफी, मेडल र प्रमाणपत्र उनले प्रदान गरेका छन । दोस्रो स्थानमा चित्त बुझाएको धरान इसाई समाजलाई झापा क्षेत्र नं. १ प्रदेश क सांसद चिन्तन पाठकले नगद रु २०००० (अक्षेरुपि बीस हजार) सहित ट्रफी, मेडल र प्रमाणपत्र प्रदान गरेका हुन।
उत्कृष्ट गोल रक्षक सुजन बर्देबा, अधिकतम गोलकर्ता सनिल राई, र उत्कृष्ट खेलाडि सुमन राईलाई ट्रफी प्रदान गरिएको छ।
खेलको समापन अगि दमक ईसाई समाजका पास्टर तथा पत्रकारहरुको मैत्रीपूर्ण खेल रहेको थियो ।
यस प्रतियोगितामा मुख्य प्रायोजन (टाइटल स्पोन्सर) मा इमानुएल सुहाङ (कोरिया) र सह-प्रायोजक सेलिना हार्डवेयर( युरो पेन्टस) दमक साथै सेकेन्ड टाइटल स्पोन्सर याकपाङदेन लिम्बू(कोरिया) ले सहयोग गरेका हुन । यस्तै मिडिया पार्टनरमा दमक टाउन (Damak Town) रहेको थियोे ।
