डिकेन्द्र बस्नेत, झापा । दमक नगर ईसाई समाजको आयोजना तथा खेलकुद विभाग उपसमितिको संयोजनमा प्रदेश स्तरीय अन्तर ईसाई समाज मैत्रीपूर्ण फुटसल प्रतियोगिता यहि भदौ २८ गते हुने भएको छ।
दमक ५ स्थित बिस्ट फुटसलमा कोसी प्रदेश भरि रहेका सम्पूर्ण ईसाई समाजहरु बिच प्रतिस्पर्धा हुने खेलकुद विभाग उपसमिति, दमकका सचिव सुरज लिम्बूले बताएका छन । यस फुटसल टुर्नामेण्डमा १२ वटा समुह सहभागी हुने भएको छ ।
सहभागी प्रतियोगिहरुले रु ३५०० दर्ता शुल्क तिर्नुपर्ने आयोजकले जनाएको छ। हरेक वर्ष खेलकुद विभागले फुटसल गर्दे आएको अगिल्लो वर्ष पहिलो संस्करण गरिएको र यस पटक शिखर राईको संयोजकत्वमा दोस्रो संस्करण फुटसल हुन लागिरहेको विभागले जानकारी दिएको छ ।
खेलको मुख्य श्लोग्न फेण्डशिप, रिलेशनशिप र फेलिशिप राखिएको छ । यसको मुख्य उदेश्य भनेको हराएका युवाहरूलाई पुनः येशु, पारिवारिक र मण्डलीसँगको सम्बन्धमा ल्याउनका लागि रहेको बताएका छन ।
यस्तै खेलको टाइसिट भने आज दमक नगर ईसाई समाजको बैठकमा खेलकुद विभाग उपसमितिका संयोजक शिखर राई र समाजका पदाधिकारीहरुको उपस्थितिमा सार्वजनिक गरिने भएको छ।
प्रथम पुरुस्कार नगद रु ३० हजार , ट्रफि, मेडल, र प्रमाणपत्र दिइनेछ भने दोस्रो पुरुस्कार रु २० हजार नगद, ट्रफि, मेडल, र प्रमाणपत्र प्रदान गरिने उपसमिति सचिव लिम्बूले बताए । प्रतियोगितामा मेन अफ द म्याच, बेस्ट गोल किप्पर, डिसिपिलिन पेल्यर, बेस्ट पेल्यर अल द टिम, पेल्यर अल द टुर्नामेण्ट लगायत विभिन्न माध्यम समेत छुट्टयाइएको छ।
सचिव लिम्बूका अनुसार खेलको करिब रु १,५०,००० अक्षेरुपि (एक लाख पचास हजार) कुल बजेट बनाइएको छ। डिजिटल पत्रमार्फत प्रदेशका सम्पूर्ण समाजलाई सुचना गरिएको छ र सो सुचनाको आधारमा समाजहरुले सकारात्मक प्रतिक्रिया दिनुका साथै उल्लास पुर्ण सहभागी रहने जनाइएको छ।
