By Dikendra
झापामा दुई बिधामा दौड प्रतियोगिता हुने भएको छ। पहिलो बिधा राष्ट्रिय तथा अन्तरास्ट्रिय स्तरका समेत धावक सहभागी बन्न सक्ने गरिको खुल्ला बिधा र अर्को चाहिँ स्थानीयलाई समेटिएको दोस्रो बिधा रहेको छ ।
मानवहित संरक्षण मंच नेपालले आयोजना गर्न लागेको दौड प्रतियोगिता क्रमशः १० र ५ किलोमीटर दुरीको हुने छ । असार २१ गते देखि हुने दौड प्रतियोगिताको पहिलो बिधाको प्रथम बिन्दु दमक स्थित भाटभटेनी सुपरमार्केटबाट कमलको सहिद गेटसम्म रहने छ ।
दोस्रो बिधामा भाटभटेनी देखि कमलको आदिवासी रंगशाला सम्म रहने छ । दुबै बिधामा महिला र पुरुषका लागी पुरस्कारको प्रबन्ध गरिएको छ । खुल्ला बिधा अन्तरगत महिला र पुरुष दुबै बिजेताले ५० हजार नगद, ट्रफी र प्रमाणपत्र पाउने छन भने स्थानियमा पनि महिला र पुरुषका लागी पुरस्कारको ब्यबस्था गरिएको कार्यक्रम संयोजक समुद्रा लामाले बताइन् ।
स्थानीय बिधाका बिजेताले नगद १५/१५ हजार नगद, प्रमाणपत्र र ट्रफी प्रदान गरिने छ । स्वास्थ्य भातृत्व र पर्यटन प्रबर्द्धन गर्ने उदेश्यले प्रतियोगिता आयोजना गरिएको झापाको दमकमा पत्रकार सम्मेल गरि जानकारी गराईएको छ ।
माओवादी केन्द्र दमक नगर र कमल गाउँ कमिटीको ब्यबस्थापनमा हुने प्रतियोगीताको बारेमा जानकारी दिन आयोजीत पत्रकार सम्मेलनमा दमक र कमलमा रहेका माओवादीका केन्द्रीय, प्रदेश, जिल्ला र पालिला स्थरका नेता तथा पार्टिका विभिन्न भातृ संघठनका नेतृत्वहरु, साथै लोक प्रसाद ओली इभेन्टस डाइरेक्टर (वरिष्ठ एथलेटिक्स प्रशिक्षक), जिबेश ओली (इन्टरनेसनल जर्ज), मदन खडका(अखिल नेपाल खेलकुद संघ महासंघ सचिव) लगाएतको उपस्थिति रहेको थियो ।
प्रतियोगितामा सहभागी बन्न कुनै शुल्क तिर्न पर्ने छैन भने सबै सहभागीको बिमा समेत गरिने साथै ट्राफिक व्यवस्थापन रहेको पत्रकार सम्मेलनमा जनाईएको छ । करिव ५ सयजना धावक यो प्रतियोगितामा सहभागी हुने अपेक्षा गरिएको छ ।
