उमेश भुजेल, खोटाङ। खोटाङको हलेसी तुवाचुङ नगरपालिकाले नगरपालिका भित्रका १२ आमा समूहलाई कुटानी पिसानीका मिल प्रदान गरेको छ । ढिकी जाँतोमा अन्न पिस्दै आएका नगरपालिका भित्रका विभिन्न वडाका आमा समूहलाई मिल वितरण गरेको हो ।
नगरपालिकाले सिर्जनसिल आमा समूह हलेसी तुवाचुङ नगरपालिका – ५ दुर्छिम, सयपत्री आमा समूह र पिपलगढी आमा समूह हलेसी तुवाचुङ नगरपालिका – ३ च्यास्मिटार, मिलीजुली आमा समूह हलेसी तुवाचुङ नगरपालिका – ४ बडहरे, बज्रकाली सिर्जनशिल आमा समूह, बालकन्य आमा समूह मंगलटार र सिद्धथान आमा समूह हलेसी तुवाचुङ नगरपालिका – ६ मंगलटारलाई एक एक वटा कुटानी पिसानी मिल वितरण गरेका हलेसी तुवाचुङ नगरपालिकाकी उपमेयर विमला राईले बताउनु भयो ।
यस्तै मखमली आमा समूह हलेसी तुवाचुङ नगरपालिका – ७ हलेसी, अजम्बरी महिला विकास समूह र जलन्धरादेवी आमा समूह हलेसी तुवाचुङ नगरपालिका – ११ राजापानी, अजम्बरी आमा समूह हलेसी तुवाचुङ नगरपालिका – ८ धितुङ र महिला विकास शान्ति आमा समूह हलेसी तुवाचुङ नगरपालिका – ९ सल्लेलाई एक/एक वटा ६ लाख ७९ हजारको कुटानी पिसानीका मिल आज प्रदान गरेको उहाको भनाई छ ।
उहाले भन्नु भयो शारीरिक श्रमको बोझलाई कम गर्नुका साथै समयको समेत बचत हुने भएको हुँदा ११ वटा आमा समुहलाई कुटानि पिसानी मिल बितरन गरेका छौं । आशा छ आमासमुहहरुले यस्को उपयोग र जतनका साथ चलाउनु हुने छ । नगरपालिका यस भन्दा अघि पनि करिब ५० वटा आमा समुहलाई सहयोग गरेको हलेसी तुवाचुङ नगरपालिकाले जनाएको छ।
