डिकेन्द्र बस्नेत, झापा । झापाको दमक स्थित कर्नरस्टोन फाउण्डेसन (स्कुल) ले रतुवा किनारमा रहेको कमल ६ नबज्योति टोल स्थित नबज्योति बालविकास परिसरमा वृक्षरोपण तथा विभिन्न कार्यक्रम गरी वातावरण दिवस मनाएको छ ।
विद्यालयमा अध्ययनरत विद्यार्थीहरु, कर्नरस्टोन बाल क्लब तथा कर्नरस्टोन स्काउटले नृत्य, कविता, सडक नाटक तथा वक्तव्य कला मार्फत समुदायलाई वातावरणको महत्व तथा संरक्षण सम्बन्धी सचेतनामुलक कार्यक्रम प्रस्तुत गरेका थिए।
कार्यक्रममा विद्यार्थीहरुले रतुवा किनार तथा बाल विकास परिसरमा विभिन्न जातका बिरुवाहरु रोपी त्यसको संरक्षण गर्न स्थानियलाई अनुरोध समेत गरेका छन ।
कर्नरस्टोन फाउण्डेसनले बिद्यार्थीहरुलाई संस्कार सहितको व्यवहारिक शिक्षा प्रदान गरिरहेको विद्यालयका संथापक
प्रधानाध्यापक युवराज गजमेरले बताउनुभयो । यस विद्यालयमा जे सिकाईन्छ, प्रयोगात्मक विधिबाट गराईने पनि उहाँले बताउनुभयो।
सोही कार्यक्रम मार्फत कर्नरस्टोन फाउण्डेसनले समाजमा योगदान पुर्याउनु भएका जेष्ठ नागरिकहरुलाई दोसल्ला र ढाका टोपीले सम्मान पनि गरेको छ । २०७२ सालमा स्थापना भएको स्कुलले गत वर्ष जाजरकोटमा आएको भुकम्पबाट प्रभावितहरुलाई सहयोग गरेको थियो।
