डिकेन्द्र बस्नेत, झापा । झापाको दमक ४ मा रहेको विद्यालक्ष्मी अंग्रेजी माध्यामिक विद्यालयको २९ औ वार्षिक उत्सव भव्य कार्यक्रमका बिच सम्पन्न भएको छ । दमक नगरपालिकाकी उपप्रमुख रेगिना भट्टराईको प्रमुख आतिथ्यमा भएको कार्यक्रममा विद्यालयका विद्यार्थीहरुले सांस्कृतिक प्रस्तुत गरेका थिए ।
यस्तै विद्यालयका विद्यार्थीले प्राविधिक कौशल, पाक शिप समेत प्रस्तुत गरेका थिए । विद्यालयका अध्ययनरत विद्यार्थीले विद्युतीय सामाग्री बनाएर प्रदर्शनमा समेत राखिएको थियो । धिमाल नृत्य, संगिनी नृत्य समेत विद्यार्थीले प्रस्तुत गरेका थिए । कार्यक्रममा प्याब्सन कोशी प्रदेशका सचिव कोषराज प्याकुरेलले समय सुहाउँदो प्रविधिको प्रयोग गरि व्यवहारिक शिक्षाको आवश्यकता रहेको बताएका थिए ।
प्याब्सन झापाका अध्यक्ष गौरिमान फागो, दमकका अध्यक्ष जर्नादन मैनाली, सचिव नविन योगी, सदस्य प्रविन पाठक , माओवादी केन्द्र दमकका अध्यक्ष रवि बस्नेत, समाजसेवी, पत्रकार लगाएतको समेत कार्यक्रममा आतिथ्यता रहेको थियो।
विद्यालय व्यवस्थापन समितिकी अध्यक्ष अम्बिका सिटौलाको अध्यक्षतामा भएको कार्यक्रममा एसइई परिक्षा दिएका विद्यार्थीलाई विदाइ समेत गरिएको थियो । विद्यालयकी प्रध्यानाध्यापक एलिजा सिटौलाका अनुसार विद्यालय २०५१ सालमा स्थापना भएको थियो । जिन्दगीको शिक्षा र परीक्षालाई वान टु थ्रिले मात्रै सिमित रहदैन, विद्यार्थीले जिन्दगीको शिक्षा र परिक्षालाई पास गर्न कक्षा कोठाबाट बाहिर निस्कनु पर्छ र फरक ढङ्गले पढ्नु पर्छ । यी कुरालाई आत्मासाथ गर्दै सीप, संस्कार र प्रविधि सहितको शिक्षाको नारालाई अगाडि बढाएको सिटौलाले बताइन्। सो कार्यक्रमको सञ्चालन शिक्षक आशिष बिमलिले गरेका थिए ।
