डिकेन्द्र बस्नेत, झापा । कर्नर स्टोन फाउण्डेशन दमकले आज अभिभावक र विधार्थीका बीचमा विभिन्न कार्यक्रम गरेको छ । कर्नर फाउण्डेशनले विधालयको वार्षिक उत्सवको अवसरमा अभिभावक र विधार्थी सहभागी गराएर कार्यक्रम सम्पन्न गरेको हो ।
वार्षिक उत्सवका अवसरमा वालवालिकाहरुले अभिभावकहरुलाई साँची राखेर नृत्य,गायन,निवन्ध र वक्तृत्वकलाको प्रस्तुति गरेको फाउण्डेशनको प्रधानध्यापक युवराज गजमेरले बताउनु भयोे ।
वार्षिकोत्सबमा कक्षा नर्सरी देखि कक्षा ६ सम्मका विधार्थीहरुले सामुहिक र एकल प्रस्तुति दिएका थिए । दौरा सुरुवाल,भात गाउँ टोली, लगायतका विभिन्न जातीय पोशाकमा सजिएका विधार्थीले नृत्य , गायन आदि प्रस्तुत गरेका थिए ।
कार्यक्रमका प्रमुख अतिथि दमक नगरपालिका सामाजिक विकास शाखाको प्रमुख केशव प्रसाईले दमकका संस्थागत विधालय मध्ये कर्नर स्टोनले विधार्थीलाई संस्कार युक्त शिक्षा दिन सकेको बताउनु भयो । विधार्थीहरुलाई पढाईसंगै अतिरिक्त क्रियाकलापमा सहभागी गराएर संस्थागत विधालयहरु मध्ये फरक परिचय बनाएको शाखा प्रमुख प्रसाईले बताउनु भयो ।
विधालयका प्रधानध्यापक गजमेरले विधार्थीलाई ब्यवहारिक,अरु भन्दा फरक शिक्षा दिने कोशिशमा रहेको बताउनु भयको छ ।
