भक्तपुर । चागुनारायण न पा वडा नं ३ झौखेलस्थित कोल्पकोट टोलको श्री कोटदेबी मन्दिरकै पश्चिमपट्टी साबिक झौखेल गा.बि.स. वडा नं ६(ग) कि.न. २९९ र ५३० कित्ता जग्गाका ज.ध.का.जि.का.म. न.पा. वडा नं २७ बस्ने सुष्मा श्रेष्ठले मापदण्ड बिपरित बिल्डिङ ठड्एकाे छ।
नवनिर्मित बिल्डिङमा बिजुलीको लाइन, टेलिफोन लाइन लगायत अन्य तारहरु घर भित्रै र टप निकाली टपमै वाल लगाउनुका साथै मन्दिरको मापदण्ड नछोडि घर निर्माण गरिरहेको छ।
केही दिन अघि टोलबासीहरुले चागुनारायण न पा वडा न ३ मा निवेदन पेश गरेपछि २/४ दिन रोक्या जस्तो गरेर पुनः मापदण्ड बिपरित नै घर भैरहेको हुँदा वडा कार्यालयका वडा अध्यक्ष लगायत जनप्रतिनिधिहरु र वडा इन्जिनियर सबैको मिलोमतोमा घर निर्माण भैरहेको त छैन ! स्थानिय राजन सुवालकाे भनाइ छ।
यसरी निर्माण गरिएकाे नव निर्मित घर यसरी बनाउन मिल्ने हो होइन चागुनारायण नगरपालिकालाई र पत्रकार साथीहरूलाई ध्यानाकर्षण गर्दै गरेको छु भन्दै सुवालले आफ्नाे फेसबुक वालमा समेत लेखेका छन्।
मापदण्ड बिपरित हो भने तत्काल निर्माण कार्य रोकि आवश्यक कार्वाही गरिनु पर्याे भन्नका लागि वडाध्यक्ष श्यामसुन्दर धिमाल सँग सूचना चाैतारी कर्मिले पटक पटक फाेन सम्पर्क तथा वडा कार्यालय सम्म जाँदा पनि अध्यक्ष सम्पर्कमा आएका छैनन् भने भवनकाे फिनिसिङ कार्य धमाधम चलिरहेकाे छ।
