काठमाडौं । प्राविधिक शिक्षा तथा व्यावसायिक तालीम परिषद् सीटीईभीटीले बढाएको शैक्षिक शूल्क तत्काल लागू नगर्ने भएको छ । बिहीबार एक सूचनामार्फत् उक्त जानकारी दिएको हो ।
ग
त शुक्रबार शैक्षिक शूल्क वृद्धि गरेको भन्दै विभिन्न विद्यार्थी संगठनले चरणबद्ध आन्दोलनको घोषणा गरेका थिए । उनीहरुले आफ्नो दबाब र चरणबद्ध आन्दोलनपछि सीटीईभीटीले शैक्षिक शूल्क घटाएको दाबी समेत गरेका छन् ।
२४ घण्टाभित्र शूल्क फिर्ता लिन अल्टिमेटम दिएको नेकउपा एकीकृत समाजवादी निकट अनेरास्वियू सीटीईभीटी कमिटीले आज पनि कार्यालय घेराउ गरेको थियो । उक्त कार्यक्रममा संगठन सम्बद्ध विद्यार्थीहरुले शूल्क घटाउन माग गर्दै नाराबाजी समेत गरेका थिए ।
अघिल्लो शुक्रबार सीटीईभीटीले प्रमाणपत्र तह नर्सिङ कार्यक्रममा ३२ प्रतिशत, सामान्य चिकित्सामा २८ प्रतिशत र डिप्लोमा इन फार्मेसी कार्यक्रममा २६ प्रतिशत शूल्क वृद्धि गर्ने निर्णय गरेको थियो ।
उक्त शूल्क वृद्धिको निर्णयविरुद्ध विभिन्न विद्यार्थी संगठनले शूल्क वृद्धि फिर्ता नगरे आन्दोलनको चेतावनी दिएका छन् ।
