काठमाडौं । प्रधानमन्त्री केपी शर्मा ओलीले महाकाली पूर्वको जमिन नेपालको भएकाले सो जमिन फिर्ता ल्याउनेबारे भारतसँग गम्भीरताका साथ कुराकानी भइरहेको बताभएका छन् । बिहीबार प्रधानमन्त्रीको सरकारी निवास बालुवाटारमा नेपालमा रहेका अन्तराष्ट्रिय मिडियाका संवाददाताहरुसँग अन्तर्क्रिया गर्दै उनले वर्षौदेखि नेपालको भूमि भारतले प्रयोग गर्दे आएकाले फिर्ता ल्याउनका लागि समय लाग्ने पनि बताएका हुन्।सम्पूर्ण नियमहरु प्रकृया पुरागरेर उनिहरुले प्रयोग गरिरहेको जमिन फिर्ता गरिने प्रतिबद्धता पनि ब्यक्त गरेका छन् ।
ओलीले महाकाली नदी पुर्वको जमिन नेपालको भएको र सो जमिनलाई राजनीतिक र प्रशासनिक नक्सामा सामेल गरी संविधानको अनुसूचीमा पनि राखिसकेको स्मरण गर्दै भू–भाग फिर्ता ल्याउनका लागि भारतसँग वार्ता भइरहेको बताए । छिमेकीसँग केही कुरामा मतभेद वा गलत बुझाइ हुनसक्ने बताउँदै उनले सबै समस्याको समाधान वार्ता मार्फत गरिने जानकारी दिएका छन् । उनले भारतसँग नेपालको मित्रतापूर्ण सम्बन्ध भएकोमा आस्वश्त तुल्याए ।
कतिपयले आफूलाई भारतसँग सम्बन्ध बिगोरेको र कतिपयले भारतको इसारामा काम गरिरहेको भन्ने आरोप लगाउने उल्लेख गर्दै उन्ले आपसमा विवादास्पद दुवै आरोपहरू कसरी सत्य हुनसक्छन् भनी प्रश्न पनि राखेका छन् ।
