कपिलवस्तु,कपिलवस्तुको मायादेवी गाउँपालिका–३ स्थित फुलीकाबाट प्रहरीले ब्राउन सुगरसहित दुईजनालाई पक्राउ गरेको छ ।
प्रहरीका अनुसार पक्राउ पर्नेमा रुपन्देहीको कञ्चन गाउँपालिका घर भएका २७ वर्षीय मदनकुमार दर्लामी र २८ वर्षीय विनोद दर्लामी मगर छन् ।
बा८० प ९६९० नम्बरको मोटरसाइकलमा बरोहियाबाट पचेहरा जाँदै गरेका उनीहरुलाई इलाका प्रहरी कार्यालय पकडीको टोलीले पक्राउ गरेको हो ।
इलाका प्रहरी कार्यालयका प्रहरी निरीक्षक कृष्ण बहादुर खत्रीका अनुसार उनीहरुको साथबाट ६ ग्राम ५० मिलिग्राम ब्राउन सुगर बरामद भएको छ । अहिले प्रहरीले थप अनुसन्धान गरिरहेको बताएको छ ।
