जेठ ११, काठमाडौं । कोराना भाइरस कोभिड–१९ संकट व्यवस्थापन केन्द्र (सीसीएमसी)को प्रमुखमा नेपाली सेनाका पूर्वरथी बालानन्द शर्मा नियुक्त भएका छन् । सोमबार साँझ बसेको मन्त्रिपरिषद बैठकर्ले सीसीएमसीको प्रमुखमा शर्मालाई नियुक्त गरेको जानकारी प्राप्त भएको छ । उपप्रधानमन्त्री ईश्वर पोखरेल यसअघि निर्देशक समितिको प्रमुख हुनुहुन्थयो । हालै पोखरेललाई सो जिम्मेवारीबाट अलग गरेर प्रधानमन्त्री केपी शर्मा ओली आफैंले निर्देशक समितिको नेतृत्व गर्दै आउनु भएको थियो ।
सशस्त्र द्वन्दको बेला नेपाली सेना र माओवादी सेनाको समायोजन गर्न बनेको विशेष समितिको संयोजक भएर काम गरेका पनि काम गरेका शर्माले अब कोरोना संक्रमण नियन्त्रणको योजना बनाउने र सरकारबाट अनुमोदन भएका योजनालाई कार्यान्वयन गर्ने जिम्मेवारी पनि पाउनु भएको छ । निर्देशक समितिमा उपप्रधानमन्त्री तथा रक्षामन्त्री, गृह, सामान्य प्रशासन तथा संघीय मामिला, उद्योग वाणिज्य तथा आपूर्ति, स्वास्थ्य तथा जनसंख्या, अर्थ, कृषि, परराष्ट्र, ऊर्जा र पर्यटन मन्त्री सदस्य रहने ब्यबस्था रहेको छ ।
