उमेश भुजेल -जेठ ९, उदयपुरको कटारी नगरपालिकामा समाजको डरले स्थानीयले कोरोना परिक्षण नगराउने गरेको पाइएको छ । कोराना संग मिल्दो जुल्दो लक्षणका विरामीहरु समाजले हेर्ने दृष्टिकोण फरक भएकै कारणले गर्दा कोरोना परिक्षण नगरेको पाइएको हो । समाजको डर र यदि संक्रमण पुष्टि भएमा उपचारको झण्झट हुने भएकाले कोरोना संग मिल्दो जुल्दो लक्षण भएका व्यक्तिहरुले पिसीआर र एन्टिजेन परिक्षण गर्न नमानेको स्वास्थ्य शाखा संयोजक सुरेश कुमार दाहालले बताउनु भएको छ ।
गाउँमा कोरोनासंग मिल्दो जुल्दो लक्षण दिखिएका विरामीहरु धेरै भएको तर उनीहरु परिक्षण गर्न नमानेको उहाँको भनाई छ । स्थानीयले परिक्षण गर्न नमान्दा संक्रमण थप फैलने जोखिम बढेको उहाँले बताउनुभयो । नगरपालिकाले कोरोना रोकथाम र प्रतिकार्यका लागि अक्सिजन सहितको ३१ वेडको आइसोलेन केन्द्र स्थापना गरि हाल संक्रमितहरुको उपचार भइरहेको उहाँले बताउनु भएको छ ।
आइसोलेसन केन्द्रमा कोरोना संक्रमितलाई खान, बस्न अन्य उपचारको लागि पनि खर्च बेहोर्ने नगर प्रमुख ज्ञानेन्द्र श्रेष्ठले बताउनु भएको छ । नगरपालिकाको वडा धेरै भएका कारणले नौ वटा यम्बुलेन्स तयारी अवस्थामा राखिएको उहाँले जानकारी दिनुभएको छ । कोरोना संक्रमणबाट कसैले ज्यान गुमाउन नपरोस भनेर नगरपालिकाले सबै संयन्त्र परिचालन गरेको उहाँले दाबी गर्नु भएको छ । संक्रमण तिव्र गतिमा फैलिएकाले स्वास्थ सतर्कतामा विशेष ध्यान दिन उहाँले नगरबारीमा आग्रह गर्नु भएको छ ।
