काठमाडौँ । नेकपा एमालेका अध्यक्ष केपी शर्मा ओलीले एक भोटका लागि मतदाताको हत्या हत्या गरिएको आरोप लगाएका छन् ।
विहिबार प्रतिनिधिसभाको बैठकमा ओलीले ‘ रुकुमा भोट पाउनका लागि मतदाताको हत्या गरियो । मतदाता अपहरण गर्ने, लगेर बनमा फाल्ने जस्ता काम भयो ।’
यस्तै, ओलीले हुम्लामा पनि एक मतदाताको हत्या गरिएको आरोप लगाए । ‘हुम्लामा मतदान भइसकेपछि मतगणनाको सन्दर्भमा राजनीतिक कार्यकर्ताहरु घरमा आएर बसेर खाना खाँदै गरेको, कार्यकर्ताको बाबु आँगनमा भएको बेला हमला गरियो र उनको हत्या गरियो’, अध्यक्ष ओलीले भने, ‘बचाउने प्रयासका बाब्जुद् बचाउन सकिएन ।’
ओलीले स्थानीय निर्वाचन भएको १४ दिनसम्म पनि परिणाम नआएको भन्दै असन्तुष्टि समेत जनाए । ‘निर्वाचन स्वच्छ र धाँधलीरहित हुन सकेन । सत्ता पक्षले बुथ कब्जा गरेका ठाउँमा प्रहरी निरीह भएर बसेको छ’, ओलीले भने, ‘बुथ कब्जा नगरभन्दा प्रतिपक्षीका कार्यकर्ता कुटिएका छन् ।
