काठमाडौं । गत बैशाख ३० मा सम्पन्न स्थानियतह निर्वाचनमा नेपालभर भएका ११ वटा उपमहानगरमध्ये हेटाेैँडा उपमहानगरले पहिलो पटक नेतृत्वमा महिला मेयर पाएको छ । याे पटककाे निर्वाचनमा नेकपा एमालेका बिरुद्ध नेपाली काँग्रेस सहित एकीकत समाजवादि समेतकाे गठबन्धनले उपमहानगरपालिकामा महिला मेयर जिताएको हो ।
हेटौंडा उपमहानगरपालिकामा सत्तारुढ पाँच दलीय गठबन्धनको तर्फबाट नेकपा एकीकृत समाजवादीकी उम्मेदवार मीना लामा विजयी भएकी हुन् । उनको निकटतम प्रतिद्वन्द्वीका रुपमा रहेका राप्रपाका दीपक सिंह पराजित भएका हुन् ।
लामाले २३ हजार ७५ मत ल्याएर विजयी भइन् । दोस्रो स्थानमा रहेका नेकपा एमालेका नेता अनन्तप्रसाद पौडेलले २० हजार ९ सय ८ मत ल्याए । त्यस्तै राप्रपाका दीपकबहादुर सिंहले २० हजार ५ सय ३१ मत ल्याए । लामाले पौडेललाई २ हजार १ सय ६७ मतले पराजित गरेकी हुन् । त्यस्तै उपमेयरमा कांग्रेसका राजेश बानिया निर्वाचित भएका छन् ।
उनले ३२ हजार ५ सय ९३ मत ल्याउँदा नेकपा एमालेकी सुमित्रा काफ्लेले २३ हजार ९ सय ९ मत ल्याइन् । राप्रपाकी इन्दिरा न्यौपानले ५ हजार ४ सय ८३ मत ल्याइन् । लामा २०७४ सालको स्थानीय तहको निर्वाचनमा नेकपा एमालेको तर्फबाट हेटौंडा उपमहानगरको उपमेयरको रुपमा भारी मतले विजयी भएकी थिइन् । नेकपा एमालेको विभाजन पछि नेकपा एकीकृत समाजवादीमा रहेकी उनले गठबन्धनको तर्फबाट उम्मेदवार थिइन् । स्मरण हाेस कि नव निर्वाचिन उपमहानगर प्रमुख मिना लामा आफ्नाे समुदायका लागि ससक्त आवाज उठान गर्ने अल्प संङ्खिक समुदाय ( ख्रिष्टियन) समुदायकि हुन्। देसभरमा याे समुदायका मानिसहरु बार्हलाख हाराहारीमा रहेपनि समुदाय भित्रका केही मानिसहरुले तिसलाख भनेर भन्ने गरेका छन्। अन्तिम समय गरियएकाे केन्द्रीय तथ्यांक अनुसार आएकाे अन्तिम तथ्यांक अनुसार याे समुदायकाे संख्या पन्ध्रलाख सम्म पुग्ने आँकलन गरिएकाे छ।
