खोटाङ । स्थानीय तहको निर्वाचन नजिकिए सँगै एमाले खोटाङले दशवटै स्थानीय तहमा जित हाँसिल गर्ने लक्ष्यका साथ आवश्यक तयारी थालनी गरेको छ । आउँदो बैशाख ३० गते हुने स्थानीयतहको निर्वाचनमा दशवटै स्थानीय तहमा जित हाँसिल गर्ने लक्ष्यका साथ आवश्यक तयारी थालनी गरेको हो ।
जनजनमा एमाले समृद्धिका लागि जिताउँछु एमाले भन्ने मुल नाराका साथ पहिलो चरणमा दश वटै स्थानीय तहमा एक महिने विशेष अभियान सञ्चालन गर्ने भएको छ । सोमबार पार्टी कार्यालयमा पत्रकार सम्मेलन गरेर पहिलो चरणको विशेष अभियानका बारेमा बताएको हो । मेरो पार्टी मआफै जिताउँछु,मेरो वडा म जिताउँछु भन्ने श्लोगन लाई आत्मसाथ गरेर सबै कमिटीलाई परिचालन गर्ने र जनातासामु पगेर योजना बनाउने,अरुको आस गरेर होइन आफ्नो पालिकामा आफैले र वडाको हकमा वडालेनै जित्न जिताउन लाग्ने रणनिती एमाले खोटाङले लिएको छ ।
एक महिने विशेष अभियानमा पहिलो चरणको कार्यशाला गोष्टि अनुसार एमाले खोटाङले चैत्र ९ गते केपीलासगढी गाउँपालिकामा कर्ण बहादुर घले,रामप्रसाद दंगाल,देवविक्रम राई र दिपनारायण रिजालको नेतृत्वमा उक्त अभियान सञ्चालन गरिने छ । यसैगरी,दिक्तेल रुपाकोट मझुवागढी नगरपालिकामा चैत्र १० गते रामप्रसाद दंगाल,देवविक्रम राई,कुमारप्रसाद आचार्य र दिपनारायण रिजालको नेतृत्वमा अभियान सञ्चालन गरिने भएको छ भने हलेसी तुवाचुङमा चैत्र ११ मा उषाकला राई,रमेशकुमार पौडेल,रामप्रसाद दंगाल र देवविक्रम राईले नेतृत्व लिनुभएको छ ।
यसैगरी, बराहपोखरी र जन्तेढंगामा चैत्र १२ मा विशाल भट्टराई,राजनप्रसाद ढकाल र प्रदिप राईले नेतृत्व गद्रै उक्त अभियान सञ्चालन गर्नेछन् । दिप्रुङ चुइचुम्मामा चैत्र १२ गते उषाकला राई,रामप्रसाद दंगाल र दिपनारायण रिजालको अभियानमा एक दिने अभियान सञ्चालन गरिने भएको छ । यसैगरी ऐसेलुखर्कमा चैत्र १३ गते विशाल भट्टराई,रमेशकुमार पौडेल,हरीकुमार पोखरेल र देवविक्रम राईको अगुवाईमा अभियान सञ्चालन गरिने छ ।
यता,खोटेहाङमा उषाकला राई,रामप्रसाद दंगाल र दिपनारायण रिजालको अगुवाई हुने छ भने रावावेशीमा रमेशकुमार पौडेल,कुमारप्रसाद आचार्य,देवविक्रम राई र सुरेन्द्रकुमार राईले अभियान सञ्चालनमा अगुवाई गर्नेछन् । साकेला गाउँपालिकामा भने उषाकला राई,राप्रसाद दंगाल र दिपनारायण रिजालले पहिलो चरणको एक दिने कार्यशाला गोष्टि सञ्चालन गर्ने एमाले खोटाङले आज गरेको पत्रकार सम्मेलनमा प्रेस विज्ञप्तिमा उल्लेख गरिएको छ ।
