एलन अधिकारी, काठमाडौं । काठमाडौं स्थित कालोपुलमा रहेको जेभियर इन्टरनेशनल कलेजले ३०० भन्दा बढी राष्ट्रिय तथा अन्तराष्ट्रिय प्रतिनिधिहरूको सहभागितामा मोडेल युनाइटेड नेशनस ४.० आयोजना गरेको छ। चैत्र ४ देखि चैत्र ६ सम्म आयोजना हुने उक्त कार्यक्रम को उद्घाटन एक भव्य समारोहका बिच सम्पन्न भएको छ।
यस कार्यक्रमको उद्घाटन समारोहको सभापतित्व यसै कलेजका प्रमुख कार्यकारी अधिकृत लोक बहादुर भण्डारीले गर्नुभएको थियो। यसैगरी प्रमुख अतिथि अस्गर अली (प्रमुख कार्यकारी अधिकृत, इसेवा फोनपे लिमिटेड), विशेष अतिथिको आशनमा जेभियर इन्टरनेशनल कलेजका प्राचार्य गोपाल भण्डारी र जेभियर इन्टरनेशनल मोडेल युनाइटेड नेशन ४.०का संयोजक दिपेन दाहाल (उपप्राचार्य, जेभियर इन्टरेशनल कलेज) अतिथिको आशन ग्रहण गर्नुभएको थियो।
कार्यक्रममा अस्गर अलीले मोडेल युनाइटेड नेशन जस्तो अन्तराष्ट्रिय स्तरको कार्यक्रमले विद्यार्थीहरुलाई आगामी दिनहरुमा नेतृत्व विकास र क्षमता अभिवृद्धिमा ठुलो सहयोग पुर्याउने छ भनेर कार्यक्रममा विशेष सम्बोधन गर्नुभएको थियो। साथै सो कार्यक्रममा विशेष अतिथिको तर्फबाट यस कलेजका प्राचार्य भण्डारीले यस्ता क्रियाकलापहरुले विद्यार्थीहरुलाई पाठ्यपुस्तक र पाठ्यक्रमहरू भन्दा माथि उठेर विश्वव्यापी रूपमा संयुक्त राष्ट्र संघ सभाले सम्बोधन गर्ने सवालहरुमा तीन दिनसम्म विद्यार्थीहरू बिच अन्तरक्रिया गराई आगामी दिनहरुमा कुटनीतिज्ञ क्षेत्रमा प्रवेश गराउन महत्वपूर्ण भूमिका खेल्ने छ भनेर सम्बोधन गर्नुभएको छ। सोही कार्यक्रममा यस कार्यक्रमका जेनेरल सेक्रेटरी मोहित घिमिरेले औपचारिक रूपमा कार्यक्रमको शुभारम्भ भएको घोषणा गर्नु भएको थियो।
