काठमाडौं । नेपाल कम्युनिष्ट पार्टी (माओवादी केन्द्र)को केन्द्रीय समिति बैठक आजदेखि सुरु हुँदैछ । राष्ट्रिय सभा गृहमा बस्ने बैठक २२ गतेसम्म चल्ने पार्टी कार्यालय सचिव श्रीराम ढकालले जानकारी दिए ।
एमसीसीलाई लिएर पार्टीभित्र तीव्र विवाद बढिरहेको बेला बैठक बस्न लागेको हो । कार्यालय सचिव ढकालका अनुसार केन्द्रीय समिति बैठक २० गतेदेखि २२ गतेसम्म बोलाइएको र केही दिन लम्बिन सक्नेछ ।
आज बस्ने बैठकमा एमसीसी अनुमोदन, स्थानीय निर्वाचन, संगठन सुदृढीकरण र परिचालन तथा समसायिक विषय अजेण्डा हुन सक्ने उनको भनाइ छ । संसदबाट एमसीसी अनुमोदन भएपछि पार्टिभित्र मतभेद देखिएको छ । सम्भवत यस विषयमा पनि आजको बैठकमा छलफल हुन सक्ने बुझिन्छ ।
