लियोनेल मेस्सीले लिग वानमा पहिलो गोल गर्दा १० खेलाडीमा सीमित बनेको पेरिस सेन्ट जर्मेनले नान्टेसलाई हराउँदै शीर्ष स्थानमा १३ अङ्कको बनाउन सफल भएको छ । मेस्सीले खेल सकिन तीन मिनेट बाँकी छँदा २० यार्ड टाढाबाट गोल गरेका हुन् ।
खेलमा किलियन एम्बाप्पेले पीएसजीलाई खेलको सुरुवातमा नै अग्रता दिलाएका थिए । तर, दोस्रो हाफमा गोलकिपर केलर नाभासले रातो कार्ड खाएपछि टोली १० खेलाडीमा सीमित बनेको थियो । यसको फाइदा उठाउँदै नान्टेसले बराबरी गोल फर्कायो ।
