काठमाडौ । नेकपा माओवादी केन्द्रको निर्वाचन समितिका पदाधिकारीले पद तथा गोपनीयताकाे शपथ लिएका छन् । मंगलबार बसेको माओवादी स्थायी समिति बैठकले विष्णु पुकार श्रेष्ठको संयोजकत्वमा २२ सदस्यीय निर्वाचन समिति गठन गरेको थियो ।
उक्त समितिका पदाधिकारीलाई बिहीबार पार्टी मुख्यालय पेरिसडाँडामा अध्यक्ष पुष्पकमल दाहालले शपथ गराएका हुन् । शपथ गराउँदै प्रचण्डले वडादेखि केन्द्रसम्मको पार्टीका निर्वाचनलाई व्यवस्थित बनाउने विधि तयार पार्न निर्देशन दिए । पार्टी पुनर्निर्माणको सुरुवात निर्वाचन समिति गठन गरेर गरिएको उनले बताए ।
