नेपाली कांग्रेस खोटाङका युवा नेता रामचन्द्र राईले आउँदो अधिबेसनमा दिक्तेल रुपाकोट मझुवागढी नगर सभापतिमा उम्मेद्वारी दिने घोषणा गर्नुभएको छ । आइतबार हुर्लुङमा पत्रकार सम्मेलन गर्दै राईले आगामी भदौ २७ गते हुने कांग्रेसको नगर अधिवेशनमा दिक्तेल रुपाकोट मझुवागढी नगरपालिकाको नगर सभापतिमा उठ्ने घोषणा गर्नुभएको हो ।
दिक्तेल रुपाकोट मझुवागढी नगरपालिका–११ खार्मीका वडाध्यक्ष समेत हुनूभएका राईले पुढापाका मात्रै कांग्रेसको उम्मेद्धारी दिन्छन भन्ने भ्रम चिर्नकै लागि आफुले उम्मेद्धारी दिएको उँहाको भनाई थियो ।
स्वच्छ छवि बनाएका राईले कुनै पनी गुट उपगुट बाट आफुले उम्मेद्धारी नदिएको समेत प्रष्ट पार्नुभएको छ । ज्येष्ठ नेता तथा कार्यकर्ताको सम्मान गर्दै सवैलाई समेटेर संगठन मजवुद बनाउन अग्रसर हुने उँहाको भनाइ थियो ।
कांग्रेसको वडा अधिबेसन भदौ १८ गते, गाउँ/नगरपालिका अधिबेसन भदौ २७ गते, प्रदेश क्षेत्र क/ख अधिबेसन असोज १ गते, संघीय निर्वाचन क्षेत्रको अधिबेसन असोज ५ गते, जिल्ला अधिबेसन असोज १० गते, प्रदेश अधिबेसन असोज १२ गते र केन्द्रीय महाधिबेसन असोज १३ गते हुँदै छ ।
