अहिले बिहान १० बजे रत्नपार्कस्थित शान्तिवाटिकामा भेला हुने र त्यहाँबाट निर्वाचन आयोग जाने तयारी भईरहेको स्रोतले जनाएको छ ।नेकपा एकीकृत ( समाजवादी ) एमालेका वरिष्ठ नेता माधवकुमार नेपाल नेतृत्वको हो भने ( लोकतान्त्रिक ) समाजवादी पार्टी जसपा अध्यक्ष महन्थ ठाकुर नेतृत्वको हो ।
आयोगले नयाँ दल दर्ताका लागि आयोगमा निवेदन दिँदा नाम समावेश गरेका पदाधिकारी र केन्द्रीय सदस्य तथा सांसदहरूलाई अहिले बिहान ११ बजेदेखि २ बजेसम्म सनाखतका लागि समय दिएको छ ।
आयोगले नयाँ दल दर्ताको प्रक्रियामा आवश्यक पर्ने कानुनी व्यवस्थाअनुसार दुवै दलकातर्फबाट दल दर्ताका लागि निवेदन दिँदा पक्षमा रहेर हस्ताक्षरसहित नाम बुझाएका केन्द्रीय सदस्य र सांसदलाई सनाखतमा हाजिर हुन भनेको छ ।
त्यस्तै, केन्द्रीय सदस्यहरुलाई भौतिकरूपमै उपस्थित भएर सनाखत गर्न समेत आयोगले आग्रह गरेको छ । आयोगले सनाखतका क्रममा २०७५ जेठ २ गते कायम एमालेको २०३ सदस्यीय केन्द्रीय कमिटीलाई मान्यता दिने निर्णय गरेको छ।
