काठमाडौं । नेकपा एमालेका उपाध्यक्ष बामदेव गौतमले एमाले पार्टीबाट राजिनामा दिएर माधव नेपालको नयाँ दल ‘नेकपा एकीकृत समाजवादी’ मा प्रवेश गर्ने तयारी गरेका छन् । बामदेव गौतम माधव नेपालको पार्टीमा खुलेपछि गृहमन्त्री हुने चर्चा चलेपछि बामदेव गौतमले पत्रकार ऋषि धमलाको कार्यक्रममा आएर भने, “म अहिले सम्म एमाले पार्टी कै नेता हुँ । अहिले सम्म म माधव नेपाल तिर गएको छैन तर माधव नेपालको पार्टी दर्ता भएपछी एमालेबाट राजिनामा दिन्छु ।”
बामदेव गौतमले भने, “माधव नेपाललाई नयाँ पार्टी खोल्न मैले पनि सुझाव दिएको हुँ । केपी ओलीले आफ्नो स्वार्थ पूरा गर्न हाम्रो कुरा कहिल्यै मानेनन् र हामीलाई अपमान गरे सरह गरेकोले केपी ओली संगै नबस्ने निर्णय मैले पनि लिएको हुँ । तर माधव नेपालको पार्टी दर्ता प्रक्रिया पूरा नभएकोले अहिले मैले एमाले छोडेको छैन । म एमालेबाट राजिनामा दिएर आधिकारिक रुपमै माधव नेपालको पार्टीमा जाने तयारी गरेको छु ।”
बामदेव गौतमका अनुसार केपी ओलीले देश विकास र निर्माणमा भन्दा पनि आफ्नो सोच र मान्यता नै ठूलो भन्ने तर्क दिएकोले एमालेको आफ्नो एजेण्डा र कम्नुष्ट आन्दोलनलाई न्याय नहुने भएकोले पार्टी परित्याग गर्नुपर्ने अवस्था आयो । नेकपा एमालेसंगको सम्बन्ध लामो रहेपनि केपी ओलीको नेतृत्वलाई छोड्नु परेकोले एमाले परित्याग गर्नुपरेको नेता गौतमले उल्लेख गरेका छन् ।
बामदेव गौतमका अनुसार केपी ओलीले बोकेको एजेण्डाले देश विकास हुन सम्भव नभएकोले अब नयाँ एजेण्डा र सोचका साथ नेकपा एकीकृत समाजवादी पार्टीलाई अघि लाने तयारे रहेको छ । तर माधव नेपालले उनको एजेण्डा र सोचलाई सम्मान गर्छन भने मात्र आफू एमालेबाट राजिनामा दिने बताएका छन् ।
बामदेव गौतमले आफू गृहमन्त्री पाउने लोभले माधव नेपालको पार्टी प्रवेश गरेको भन्ने प्रश्नमा भने, “मलाई पद वा मन्त्री बन्ने लोभले होईन यो सबै झुटो कुराहरु हुन् । माधव नेपाललाई साथ दिने बित्तिक्कै मन्त्री बनाउने भएको भए म किन खुलेर माधव नेपालसंग भईन भन्ने नि हेर्नुपर्यो ।”
