एमालेका नेता घनश्याम भुसालले पार्टी अध्यक्ष केपी शर्मा ओलीले एकता गर्न चाहने हो भने मंगलबारसम्म अझै समय रहेको बताएका छन्।
उनले अब एकता नभए एमालेका सबै नेताहरु माधव नेपालको पार्टीमा लाग्ने दाबी गरे । ओलीले १० बुँदे नमाने प्रतिनिधिसभा सदस्य पदबाट राजीनामा दिएर भए पनि माधवको पार्टीमा प्रवेश गर्ने दावी गरे ।
नेता भुसालले पार्टी एकताको बल ओलीकै कोर्टमा रहेको समेत बताए।
‘साँच्चै पार्टी एकता गर्ने ओलीजीको चाहना हो भने मंगलबारसम्मको समय छ। पार्टी एकता चाहनुहुन्छ कि विभाजन चाहनुहुन्छ भन्ने कुरा दुनियाँको सामु त्यसपछि अझै प्रष्ट हुन्छ,’उनले भने,’अहिले हामीले केही भनेको छैन।
ओलीजीले गरेनन् भने योभन्दा ठूलो विद्रोह हुन्छ। मैले के गरुँला, हामी नौ जनाले के गरौंला त्यो फरक छ। तर १० बुँदे पनि लागू नगर्ने ओलीसँग मान्छे को रहन्छन्?’
यदि १० बुँदे नमाने एउटा सामान्य स्वाभिमान भएको कार्यकर्ता कोही पनि ओलीसँग रहँदैन भन्ने आफ्नो धारणा रहेको उनले बताए।
उनले अब एकता नभए एमालेका सबै नेताहरु माधव नेपालको पार्टीमा लाग्ने दाबी गरे । ओलीले १० बुँदे नमाने प्रतिनिधिसभा सदस्य पदबाट राजीनामा दिएर भए पनि माधवको पार्टीमा प्रवेश गर्ने दावी गरे ।
