काठमाण्डौं । प्रतिनिधीसभाको बिहिबार सञ्चालित बैठकका क्रममा नेकपा माओवादी केन्द्रका सांसद मातृका यादवले पूर्व प्रधानमन्त्री ओली मेन्टली र फिजिकली ठिक नभएको अभिव्यक्ति दिएपछि नेकपा एमाले संसदीय दलका प्रमुख सचेतक विशाल भट्टराईले यादबलाई त्यसो भन्ने अधिकार कहाँबाट प्राप्त भएको प्रश्न गर्नु भएको छ ।
सुन्य समयमा बोल्दै प्रमुख सचेतक भट्टराईले भन्नुभयो यादबलाई मेन्टली डिसअर्डर भन्ने अधिकार कसले दियो? मर्यादित र सम्मानित सदनमा अमर्यादित र संसदलाई नसुहाउने अभिव्यक्तिहरु आफूहरुका लागि गम्भीर र आपत्तीजनक भएको बताउनुभयो। उहाँले सो वत्तव्यलाई रेकर्डबाट हटाउन सभामुखको ध्यानाकर्षण समेत गराउनुभएको छ।
मैले नियम २६ बमोजिम नियमापत्ति गर्न खोजेका हो । भर्खरै बोल्ने प्रतिनिधिसभा सदस्यज्युले व्यक्तिप्रति इंगित मानसिकता खराब भएको, मेन्टली डिसअर्डर भएको जस्ता अभिव्यक्तिहरु पटकपटक दोहोर्याएर भन्नुभयो, त्यो भन्ने अधिकार उहाँलाई कहाँबाट छ? उहाँसंग के प्रमाण छ? के तथ्यका आधारमा उहाँले यो भन्दैै हुनुहुन्छ? सभामुख मार्फत म प्रश्न गर्न चाहन्छु प्रत्येक सदस्यले प्रत्येक सदस्यलाई यहाँ स्वास्थ्यको परीक्षणको बारेमा बताउन मिल्छ कि मिल्दैन? उहाँसँग आधार के छ? कसले प्रमाणित गरेको छ?
जनताको सार्बभौम अधिकार सम्पन्न मर्यादित एबं सम्मानित यो महत्वपूर्ण निकायमा अमर्यादित खालका र संसदलाई नसुहाउने अभिव्यक्तिहरु हाम्रो लागि गम्भीर आपत्तीजनक छ। र यो रेकर्डबाट हटाईयोस्। अन्यथा नेकपा एमाले यो कुरालाई कुनै हालतमा पनि सहँदैन भन्ने कुरा सभामुख मार्फत जानकारी गराउन चाहन्छु। प्रमुख सचेतक भट्टराईले भन्नुभयो ।
