काठमाडौं । प्रधानमन्त्री तथा नेपाली कांग्रेसका सभापती शेर बहादुर देउवालाई सत्तारुढ गठबन्धनको कार्यदलले न्यूनतम साझा कार्यक्रमको प्रतिवेदन आज बिहान ९ः३० मा बुझाउने कार्यक्रम रहेको छ ।
काँग्रेस महामन्त्री पूर्णबहादुर खड्काको नेतृत्वको कार्यदलले सरकारको न्यूनतम साझा कार्यक्रम तयार गरेर सबैको अपनत्व हुने गरी गठबन्धन सम्बद्ध पार्टीका नेता, अर्थविद्, कानुनका जानकार लगायतलाई पनि परामर्श लिएर तयार पारिएको प्रतिबेदन प्रधानमन्त्री सामु पेश गर्न लागिएको जानकारी प्राप्त भएको छ ।
प्रधानमन्त्रीलाई बुझाउन लागिएको प्रतिवेदनमा सरकारको योजना, काम र प्राथमिकताका विषयलाई समेटिएको छ । प्रधानमन्त्रीपछि गठबन्धनका शीर्ष नेतालाई पनि प्रतिवेदन बुझाइने कार्यदलका सदस्य राजेन्द्र श्रेष्ठको भनाई रहेको छ ।
