काठमाडौं । जनता समाजवादी पार्टीका केन्द्रीय सदस्य एवं शिल्पी विशेष प्रदेश राष्ट्रिय समिति अध्यक्ष दलमर्दन कामीले अर्थमन्त्री एवं माओवादी केन्द्रका नेता जनार्दन शर्मामाथि गम्भीर आ’रोप लगाएका छन् ।
पश्चिम रुकुम सोती ह’त्या का’ण्डका दोषीलाई संरक्षण गरेको भन्दै नेता कामी सामाजिक सञ्जालमार्फत निरन्तर रुपमा अर्थमन्त्री शर्मामाथि खनिँदै आएका छन् ।
उनल्व फेसबुकमा लेखेका छन्, ‘पश्चिम रुकुम सोती नरसंहार ह’त्या काण्डका नबराज विकलगायतका ६ जना भाइका परिवारले न्याय पाउँदैनन् तबसम्म हर किसिमले जनार्दन शर्मा शिल्पी समुदाय नजरमा अपराधी नै हुनेछन् ।’
नेता कामीले बुधवार पनि ‘जनार्दन शर्मा अपराधी नै हुन्’ भनेर पुनः फेसबुकमा लेखेका छन् । उनको टिप्पणीमाथि माओवादी लगायत केही व्यक्तिहरूले प्रतिवाद र समर्थन गरेको समेत देखिएको छ । उनले अर्थमन्त्री शर्माका नेताकार्यकर्ताबाट सामाजिक सञ्जालमा गाली गलौच र फोनमा आफूलाई धम्की आएको समेत उल्लेख गरेका छन । नेता कामी पूर्वमाओवादी हुन् । उनि बाबुराम भट्टराईले माओवादी छोडेपछि उतै लागेका हुन । पहिले नयाँ शक्तिमा रहेका कामी अहिले जसपामा रहेका छन् ।
गत वर्ष २०७७ जेठ १० गते पश्चिम रुकुमको भेरी नगरपालिका–४, राना गाउँका नवराज विकले पश्चिम (रुकुम)को चौरजहारी नगरपालिका–८, सोती गाउँबाट प्रेमिकालाई भगाउने योजनाका साथ पुगे लगत्तै ६ जनाको मृत्यु भएको थियो । सो घ’टना ह’त्या भन्दै त्यसका दोषीलाई संरक्षण गरेको भन्दै शर्मामाथि आ’रोप लागेको हो ।
अर्थमन्त्री जनार्दन शर्माले नबराज ह’त्याकाण्डमा रास्ट्रिय सभामा आफ्नो घटनाको रिपोर्टिङ राख्ने क्रममा नबराज सहित ६ जना युवा लकडाउनको बेला केटि लिन जादा गाउँले लखेटेको र भाग्दा उनिहरु आफै भेरी नदिमा हाम्फाली मरेको बताएका थिए । सोही क्रममै दलित सासदले सभाहल मै शर्माको चर्को बिरोध समेत गरेका थिए । अर्थमन्त्री भए सगै धेरैले जनादर्नको बिरोध गरेका पोस्टहरु सामाजिक संजालमा छरपस्ट देख्न सकिन्छ ।
