काठमाडौं । जनता समाजवादी पार्टीका संघिय परिषद अध्यक्ष डा. बाबुराम भट्टराईले आफ्नो पक्षका नेतालाई समेत मन्त्री बनाउने तयारीमा छन्। भट्टराईले केहि मन्त्रालय आफ्नो भागमा मागेका छन्।
जसपाका अध्यक्ष उपेन्द्र यादवसँग भट्टराईले केहि मन्त्रालय मागेको स्रोतले स्रोतका अनुसार भट्टराईले २ मन्त्रालय मागेका छन्। विशेष स्रोतका अनुसार भट्टराईको भागमा मन्त्रालय परे पत्नी हिसिला यामी मन्त्री बन्ने पक्का छ।
स्रोतका अनुसार भट्टराईले पत्नी हिसिला यामीलाई मन्त्री बनाउनको लागि आफ्नो पक्षको लागि मन्त्रालय मागेका हुन्। तर हिसिला यामी सांसद नभए पनि ६ महिनाको लागि मन्त्री बन्न पाइन्छ। त्यसैले गर्दा पनि भट्टराईले हिसिला यामीलाई मन्त्री बनाउनको लागि प्रयास गरेको स्रोतले बतायो।
तर महन्थ ठाकुर समूहका केहि सांसदहरु आफ्नो पक्षमा आएपछि भट्टराई पत्नी हिसिला यामी मन्त्री बन्न नसक्ने स्रोतले बतायो। समूह परिवर्तन गर्ने सांसदलाई मन्त्री दिनुपर्ने माग गरेपछि हिसिला यामीको मन्त्री बन्ने सपना पुरा हुन नसक्ने स्रोतले बतायो।
उपेन्द्र यादव समूहलाई ६ मन्त्रालय दिने प्रधानमन्त्री शेरबहादुर देउवाले घोषणा गरिसकेका छन्। तर यादव समूहले भने थप मन्त्रालय माग गरेको छ। तर महन्थ ठाकुर समूह पनि सरकारमा सहभागी हुने भएपछि उपेन्द्र यादव समूहले ४ मन्त्रालय पाउन सक्ने स्रोतले बतायो।
स्रोतका अनुसार भट्टराईले आफ्नो पत्नी हिसिला यामीलाई मन्त्री बनाउन खोजेपछि पार्टीमा विवाद उत्पन्न भएको छ।
