काठमाडौं । नेकपा (एमाले) का वरिष्ठ नेता माधव कुमार नेपालले आफूहरुले के गल्ती गरेको छ र ? आम माफी दिने कुरा गरेको भन्दै उल्टै प्रश्न उठाएका छन् । आज पुष्पलाल श्रेष्ठको ४३औं स्मृति दिवसको अवसरमा आयोजित कार्यक्रमलाई सम्बोधन गर्दै अध्यक्ष केपी शर्मा ओलीले माधव नेपालसहित उनी पक्षधर नेताहरुलाई बाटो बिराएको संज्ञा दिँदै पार्टीमा फर्किन आग्रह गरेका थिए ।
उनले पार्टी एकताको लागि आफू हदैसम्मको लचिलो बन्ने बताएका थिए । उनले त्यसको लागि माधव नेपालसहितका नेताहरुलाई आम माफी दिने बताएका थिए । तर, नेता नेपालले भने आफूनिकट नेताहरुसँग ओलीको उक्त अभिव्यक्तिलाई वाहियात कुरा भएको टिप्पणी गरेका छन् । उनले आफूहरुले के गल्ती गरेको छ र ? आम माफी दिने कुरा गरेको भन्दै प्रश्न उठाएका छन् ।
उनले ओलीको पछिल्लो अभिव्यक्तिपनि पहिलेजस्तै जालझेलकै निरन्तरता भएको भन्दै भ्रममा नपर्न भनेका छन् । उनले निकट नेताहरुसँग ओलीको अभिव्यक्तिलाई लिएर हावादारी कुरा गरेको आरोप लगाएका छन् ।
