खोटाङ । राष्ट्रिय स्वतन्त्र पार्टी (रास्वपा) को मिसन ८४ अन्र्तगत जिल्ला स्थीत वडा तथा पालिका समिती निर्माणमा रास्वपा खोटाङ जुटेको जनाएको छ ।
रास्वपा खोटाङले बुधार दिक्तेलको भवनगैरामा रहेको आफ्नै पार्टी कार्यालयमा पत्रकार सम्मेलनको आयोजनाका क्रममा पौष ५ गते देखि दिक्तेल रुपाकोट मझुवागढी नगरपालिका–१४ बुइपाबाट संगठन विस्तारको काम शुरु गर्ने जानकारी दिएको हो ।
राष्ट्रिय स्वतन्त्र पार्टी प्रचार बिभाग खाेटाङका अनुसार बुइपाबाट शुरु हुने संगठन विस्तारको काम एक महिनापछि दिक्तेल रुपाकोट मझुवागढी नगरपालिका–२ सोल्मामा पुगेर समापन गर्ने निर्णय भएको छ ।
प्रत्येक वडामा एक सभापतिसहित ११ सदस्यीय वडा समिति गठन हुनेमा कम्तीमा चार महिला सदस्य अनिवार्य ,चार जनामध्ये पनि एक जना दलित महिलाको व्यवस्था ,छ जना ४५ वर्षमुनिका युवा हुनै पर्ने पार्टीको नीति अनुसार समिती गठन हुने रास्वपा खाेटाङले जनाएकाे छ।
जिल्लाको खोटेहाङ, जन्तेढुङ्गा र बराहपोखरी गाउँपालिकामा यस अघि नै समिति गठन गरिसकिएको राष्ट्रिय स्वतन्त्र पार्टी खाेटाङले जनाएकाे छ ।
