मेवालाल यादव ,रौतहट। जनता समाजवादी पार्टी नेपाल जिल्ला समन्वय समिति रौतहटले बृहत् विस्तारित बैठक गर्ने भएको छ । रौतहट जिल्ला अध्यक्ष श्याम बिहारी यादवको अध्यक्षतामा शुक्रबार बसेको बैठकले आइतबार ८ वटै जिल्लामा बृहत् विस्तारित बैठक गर्ने निर्णय गरेको हो ।
बैठकमा पार्टीले रौतहट जिल्ला इन्चार्जको रुपमा रहेका राम बशिष्ट यादवलाई सर्लाही इन्चार्जको थप जिमेवारी पाएकोमा अबीर, माला लगाएर बिदाई गरिएको छ ।
साथै विस्तारित बैठकबाट संगठन विभाग सदस्यमा अनवर हासमी, दलित संगठनको सदस्यमा पुनीत राम र प्रचार प्रसार संगठनको सदस्यमा राजकुमार दासलाई जनता समाजवादी पार्टी नेपाल रौतहटको पदाधिकारीद्वारा थप जिम्मेवारी दिएकोमा टिकामाला लगाई स्वागत गरिएको छ ।
बैठकमा प्रदेश सांसद शोभा साह, प्रदेश सदस्य अनिल कुमार यादव, प्रदेश सचिव पुनीत राम, गुजारा नगरपालिकाका प्रमुख सन्तलाल चौधरी, संघीय परिषद सदस्य धिरेन्द्र यादव र जिल्ला उपाध्यक्ष अमृत चौधरी लगायतको उपस्थिति रहेको थियो ।
