काठमाण्डौं । राष्ट्रिय स्वतन्त्र पार्टीको भक्तपुर स्थीत चाँगुनारायण नगर भेला सम्पन्न भएसंगै नगर सभापतिमा नयन बास्तोला सर्बसम्मत चयन भएका छन् ।
चाँगुनाराण नगरपालिका बागेश्वरी हेल्मेटडाडाँमा आयोजित कार्यक्रमबीच भक्तपुर जिल्ला संयोजक रामेश्वर बस्नेतको अध्यक्षयता एबं रास्वपा संसदीय दलका प्रमुख सचेतक माननिय सन्तोष परियारको प्रमुख आतिथ्यता ,वागमती प्रदेश समितिका प्रवक्ता उत्सव अर्यालको उपस्थितिमा ११ सदस्य नगर समिती गठन भएको हो ।
रास्वपामा आस्था राख्ने १५८ जनाको उपस्थीती रहेको कार्यक्रममा बृहत छलफलपछी नगर सभापती नयन बास्तोला,उपसभापतिमा नारायणी महत भडेल, सचिवमा रोशन थापा र कोषाध्यक्षमा नबिन कार्की चयन हुनु भएको हो ।
सदस्यहरू अमृता श्रेष्ठ, बविता भण्डारी, कामना प्रसाई, श्याम बास्तोला, राम गोपाल नायवु, गोकुल गिरि र विकास थापा चयन भएका छन् । नगर सभापती बास्तोला गत मंसिर ४ गते सम्पन्न प्रतिनिधिसभा निर्वाचनमा लौरो चुनाव चिन्ह लिएर भक्तपुर क्षेत्र नं १ बाट प्रदेश सदस्यमा उम्मेदवार बनेका थिए ।
जिल्ला संयोजक रामेश्वर बस्नेतका अनुसार यसपछाडी सुर्यबिनायक नगरपालिका,मध्यपुर थिमी नगरपालिका र भक्तपुर नगरपालिकामा निरन्तर नगरभेला गरी नगर समिती निर्माण गरिने, नबगठीत नगर समितीले नगरभित्रका सबै वडा समिती निर्माण गरिने योजना रहेको छ ।
