काठमाडौं । नेकपा एकीकृत समाजवादी पार्टीका अध्यक्ष माधव नेपालले जनतालाई पूरा गर्न नसकिने आश्वासन दिन नहुने बताएका छन् ।शनिबार भक्तपुरबाट प्रतिनिधिसभा सदस्यमा निर्वाचित सांसदहरुलाई बधाई दिँदै अध्यक्ष नेपालले जनतालाई पुरा हुन नसक्ने आश्वासनहरु दिँदा गाह्रो हुने बताएका हुन् ।
विगतमा जनतालाई पुरा हुन नसक्ने आश्वासनहरु दिएको बताउँदै अब आश्वासन दिँदा पनि गाह्रो हुने उनको भनाई छ । ‘अब यो आश्वासन दिँदा पनि गाह्रो हुदो रहेछ । तर हाम्रो बानी के छ भने धेरै आश्वासन दिने धेरै कुराहरु गर्ने त्यहाँ ठाउँ राख्नुपर्नै रहेछ’, उनले भने— ‘म सक्दो कोशिस गर्छु भनेर भन्नुपर्दो रहेछ किनभने मान्छेले सबै कुरा पुरा गर्न सक्दैन । जनताको आकंक्षा असिमित हुन्छ । आंकक्षाहरु पुरा गर्न सकिँदैन र तर गर्नेपर्ने आवश्यकताहरुमा पुरा गर्न कोसिस गर्नुपर्छ ।’
चुनावमा पराजित भएका नेताहरुलाई जनतालाई मन नपराएको संज्ञा दिए । ‘जनताले मन पराएका छ्रैनन् भने फकाउन पनि सक्नुपर्छ । जनतलाई मिलाउन सक्नुपर्छ’, उनले भने— ‘जनतालाई साथमा लिने फकाउने जनताको समस्या साथमा लिने हो भने जनतलाई पुग्यो । जनताको माग पनि त्यस्तो असम्भव भन्ने छैन । ’
