काठमाडौं । नेकपा एकीकृत समाजवादीले सात वटै प्रदेश सभामा थ्रेसहोल्ड कटाएको छ । प्रदेशमा १.५ प्रतिशत मत पाउँदा थ्रेसहोल्ड कट्ने भएकाले एकीकृत समाजवादीलाई सजिलो भएको हो ।
एकीकृत समाजवादीले कर्णाली प्रदेशमा ६ प्रतिशत मत पाएको छ भने सुदूरपश्चिम प्रदेशमा ४.९८ प्रतिशत मत समानुपातिकतर्फ पाएकोक छ ।
नेकपा एकीकृत समाजवादीले राष्ट्रिय पार्टी बन्न सक्ने गरी भने थ्रेस होल्ड कटाउन सकेको छैन । प्रतिनिधिसभामा उसले प्रत्यक्षतर्फ १० सिट जितेको छ । समानुपातिकतर्फ ३ प्रतिशतको थ्रेस होल्ड कटायो भने राष्ट्रिय पार्टीको मान्यता पाउने छ ।
एकीकृत समाजवादी अहिले राष्ट्रिय पार्टी बन्न संघर्षरत देखिएको छ । २०–२५ हजार मत थप्यो भने राष्ट्रिय दल बन्ने सम्भावना देखिन्छ । बुधबार रातिसम्म एकीकृत समाजवादीले प्रतिनिधि सभामा समानुपातिकतर्फ २.८५ प्रतिशत मत पाएको छ । ३ प्रतिशत कटाउन अब उसलाई ०.१५ प्रतिशत मत आवश्यक छ ।
