रघुविर सिंह ठगुन्ना
`मदन सिंह बिष्ट`,यिनी हुन दार्चुला जिल्ला नौगाड गापा २ दल्लेक चौरिगाउ गोधानी बस्ने ४४ बर्षका मदन सिंह बिष्ट महेन्द्र उमावि खलंगामा +२ मा अध्यायन गरिरहेको बेला २०५६ साल देखि माओवादी जनयुद्धमा होमिएका यिनको कथा बेथा पनि अचम्मको छ !
पश्चिममा बरेली देखि उत्तरमा ताग्लाकोट देखिका हातहतियार र क्लोदिङ्ग ओसारपसार गर्ने देखि सर्वस्व पार्टी मा सुम्पिएर लागेका यिनका भाइ रबिन्द्र बिष्ट पनि माओबादी जनयुद्ध मै सहिद भए ।
बर्तमान उपराष्टपति पासाङ सङैग सहायक बटालियन कमाण्डर सम्मको जिम्मेवारी बोकेर रुकुम र रोल्पामा लडदा लडदै सहिद भए । उहाका बुबा जङ्ग बहादुर बिष्ट अँकलकाे नाम नै गाउलेहरूले प्रचण्ड राखिदिए ७३ बर्ष काटिसकेका उहालाइ अहिले पनि गाउमा प्रचण्ड नै भनेर चिन्ने गरेका छन । रबिन्द्र सँगै एउटै माेर्चामा लडने पुन अहिले उपराष्टपति हुनुहुन्छ ।
२०५८ पौष ८ मा पक्राउ परि ४ बर्ष जेलमा बिताइ २०६२ फागुन २९ मा जेल बाट छुटेका मदन बिष्टले जिवनमा प्रहरी र सेनाको कति दमन सहे कति कुटपिट र कति टरचर सहे चार बर्ष पछि निस्किदा उन्को एउटा हातको कुहिना खुस्किएको र दुवै कान नसुन्ने बहिरो जीवन पाएका छन ।
कान अलि अलि जोरले बोलेको मात्र सुन्दछन । पुलिस का डण्डा र राइफल कुन्ता त यिनका लागि मासु च्युरा बराबर हुन । यिनी यिनका बुवा, यिनी र सहिद भएको भाइ रबिन्द्र लाई माओवादी नेता प्रचण्ड , बर्षामान पुन अनन्त बाबुराम, हाल प्रदेश ७ का मन्त्री मान बहादुर धामी सन्तोष सबै नेताहरुले राम्रो सङग चिनेका पनि छन ।
आज यिनले गाउघरमा अत्यन्त कष्टपुर्ण जीवन जिइरहेका छन । छोरा रबिन्द्र सहिद भएको समाचार तत्कालीन माओवादी नेता ललित सिंह ठगुन्ना प्रबिण बाट थाहा पाएपछि हृदय घात भएर उतिखेरै मृत्यु भै सकेको थियो । भाइ र आमा दुई जनाले ज्यान गुमाएका र आफू अर्ध अपांगता भएर बचेपनी उनमा आफू माओवादी मा किन लागेको हुला भन्ने पटक्कै पछुतो छैन । अहिले पनि उत्तिकै सक्रिय देखिन्छन् ।यति बेला माओवादी पार्टी र नेता प्रचण्ड पुन सत्ताको शक्तिसाली स्थानमा पुगेकाछन ।
आफुले एउटा महान उदेश्य लिएर लडेको पार्टीमा यसरी सर्वस्व गुमाएर लागेका खस समुदाय का युवालाई अन्देखा गर्ने ब्राह्मण बादी सोच र चिन्तनले ग्रसित नेता प्रचण्ड ले मदन जस्ता बहादुर सिक्षित योद्धाहरुलाइ हेर्नू सम्झिनु र स्पेस दिनु पर्छ कि पर्दैन ?
यसरी जनयुद्ध मा सर्वस्व दिने योद्धाहरुलाइ बेवास्ता गरिरहेको कारण आज प्रचण्ड स्वयम् आफ्नै छोरा गुमाएको र बृद्धअबश्थामा पुगेकाे श्रीमती र छाेरीहरूकाे पिडामा छटपटाई रहेका छन ।
यदी उहाले आफ्नो आत्माशान्तीचाहने हो भने पिडित मदन सिंह बिष्ट र कैलाली मै मानसिक सन्तुलन गुमाएर पागलखानामा थुनेर राखिएका नौडाड ३ जामिरका सुकृव ठगुन्ना जस्ता योद्धाहरु को आत्मशान्ती तिनीहरु को परिवार बिक्षित हुन बाट बचाउन सकिने गरी देखिने ती जिउदा सहिदहरुलाइ उचित स्थान दिनुपर्दछ ।
