कृष्ण कुँवर अबुधाबी — सन् २०२६ मा आयोजना हुने ओपन मास्टर्स गेम्स अबुधाबी २०२६ (Open Masters Games Abu Dhabi 2026)अन्तर्गत फुटबलसम्बन्धी अन्तरक्रिया कार्यक्रम तथा प्रतियोगितात्मक खेलहरू सम्पन्न भएका छन्।
सो अन्तर्राष्ट्रिय खेल महोत्सव शेख थियाब बिन मोहम्मद बिन जायद अल नह्यानको संरक्षणमा सञ्चालन भएको हो। प्रतियोगितामा चौधवटा टोलीको सहभागिता रहेको थियो।
फुटबल खेलहरू बुधबार, बिहीबार र शनिबार सञ्चालन गरिएको थियो। प्रतियोगिताको उद्देश्य खेलकुदको स्तर उकास्नुका साथै व्यक्तिको स्वास्थ्य अभिवृद्धि गर्नु रहेको बताइएको छ।
अन्तिम चार चरणअन्तर्गत उन्फा नेपालले अबुधाबी प्रहरीसँग प्रतिस्पर्धा गरेको थियो। उक्त खेलमा १–० गोल अन्तरले उन्फा नेपाल पराजित भयो।
तेस्रो स्थान निर्धारणका लागि भएको खेलमा उन्फा नेपालले अबुधाबी युनाइटेडविरुद्ध उत्कृष्ट प्रदर्शन गर्दै ५–२ गोल अन्तरले विजय हासिल गर्यो र तेस्रो स्थान सुरक्षित गर्न सफल भयो।
उन्फा क्लबमा आबद्ध कतिपय खेलाडीहरू नेपालमा ‘ए’ डिभिजनमा खेलिसकेका अनुभवी खेलाडीहरू रहेको उन्फा अध्यक्ष अनिल शेर्पा र सचिब सरोजले जानकारी दिए।
खेलहरू जायद स्पोर्ट्स सिटि अबुधाबी (जायद खेल नगरी) मा सम्पन्न भएको प्रतियोगितामा नेपाली समुदायको उल्लेखनीय उपस्थिति रहेको थियो। साथै, नेपाली दूतावासको र उन्फा क्लबका पदाधिकारीहरु पनि खेलाडीको उत्साहको निम्ति सहभागिता रहेका थिय।
आयोजकका अनुसार यस्ता प्रतियोगिताले खेलकुदप्रति रुचि अभिवृद्धि गर्नुका साथै स्वस्थ समाज निर्माणमा महत्वपूर्ण योगदान पुर्याउने विश्वास गरिएको छ।
