हिमांशु राय,मोरङ। मोरङ विराटनगरका लोकप्रिय कवि प्रिन्स प्रमोदकुमार ढकालको कवितासङ्ग्रह ‘अतीतका डायरीबाट’ लोकार्पण भएको छ। राष्ट्र सेवक बहुउद्देश्यीय सहकारीको सभाहलमा उक्त कृतिको लोकार्पण गरिएको हो ।
वरिष्ठ साहित्यकार प्राज्ञ विवश पोखरेलको प्रमुख आथित्यमा सम्पन्न उक्त कार्यक्रममा अतिथिहरुमा छवि वैरागी घिमिरे, प्रा.डा. हरिहर भण्डारी, प्रा. एकराज भट्टराई, डा. देवी पन्थी, कृष्ण भुषणा बल स्मृति प्रतिष्ठानका संरक्षक शोभा लामा बल, डा.नरेन्द्रप्रसाद चापागाईं स्मृति प्रतिष्ठानका संरक्षक सरला चापागाईं, विराट साहित्य सङ्गमका संस्थापक अध्यक्ष तथा विराटनगरका अग्रज स्रष्टा बलराम पोखरेललगायतका विशिष्ट व्यक्तित्वहरूको उपस्थिति रहेको थियो ।
लोकार्पित कृतिमाथि नेपाल मुक्तक प्रतिष्ठान कोसी प्रदेशका अध्यक्ष बाबुराम पोखरेल र सङ्गम अभियान मासिकका प्रधान सम्पादक रामबाबु दाहालले समीक्षा गर्नु भएको थियो।
कार्यक्रममा सुमन पोखरेल, उमानाथ भट्टराई, उमानाथ घिमिरे,खोज अनुशन्धानकर्ता, साहित्यकार तथा पत्रकार केशु विरही, रोहिणी रसिक, साहित्यकार सीमा आभास, मञ्जु घिमिरे दाहाल, भवानीप्रसाद ढकाल, जमुना पौड्याल, कवि पुष्पा सायरा, साहित्यकार रमेश निरौला,साहित्यकार नवराज पोखरेल ‘नवशिला’, डुमी कामत, टीका मिलन, साहित्यकार मञ्जुश्री गिरी, राधा भट्टराई, हेमसागर पोखरेल, ऋषि तिवारी, भूपाल अधिकारी, लक्ष्मी रायमाझी, नानुमैया दाहाल, विनोद विवश घिमिरेलगायतका लेखक,साहित्यकार तथा स्रष्टा,सर्जकहरूको उपस्थिति रहेको थियो।
विभिन्न स्रष्टाहरूको रचना वाचन रहेको उक्त कार्यक्रममा विराट साहित्य सङ्गम अभियानका कोषाध्यक्ष भीम कोइराला, डा. देवी पन्थी, डा. छवि वैरागी घिमिरे, कवि प्रिन्स ढकालका दाजु मनोज ढकाललगायतका व्यक्तित्वहरूले कार्यक्रममा शुभकामना मन्तव्य राखेका थिए ।
विराट साहित्य सङ्गमका अध्यक्ष मधु पोखरेलको अध्यक्षतामा सम्पन्न लोकार्पण कार्यक्रमको सञ्चालन स्रष्टा गोपाल निर्भीकले गरेका थिए।
