काठमाण्डौं। मुकुम्लुङ् (पाथिभरा) मा स्थानिय जनताको हित बिपरित निर्माणधिन केबलकारको बिरोध गर्दै सिंहदरबार घेराउ, आन्दोलनमा नेपाल संघीय समाजबादी पार्टीलेको व्यापक सहभागीता थियो । पार्टीको उच्च स्तरीय बैठकको निर्यण सहित नेसस पार्टीको महासचिव अनन्त क्रान्ति राईले विरोध सभाको समर्थन गर्दै छोटो सम्बोधन गर्नु भएको छ ।
उहाँले आफ्नो भनाइ राख्दै यो आन्दोलन ताप्लेजुङ बासिको मात्र आन्दोलन नभई, त्यहाँको लिम्बुहरूको आन्दोलन मात्रै नभई यो सम्पूर्ण नेपालको उत्पीडित जनता आदिवासी, जनजाति, मधेसी, मुस्लिम, दलित महिला र आर्थिक उत्पीडनमा परेका सम्पूर्ण नेपाली जनताको आन्दोलन भएको कुरा राख्नु भयो ।
राज्यको निरंकुशता र प्रतिगमन आज मात्र नभई राणा, राजा र अहिले को दलहरुले पनि त्यही तरिकाले गरिरहेको कुर बताउनु भयो पञ्चायत व्यवस्था प्रजातन्त्र व्यवस्था अहिलेको लोकतन्त्र व्यवस्थाको नाम मात्र परिवर्तन भएको हो नेतृत्व गर्ने मान्छे परिवर्तन भएको छैन अनि व्यवस्था पनि परिवर्तन भएको छैन सचि भन्नु पर्दा त्यही जंगबहादुरको मुलुकी ऐन लाइ परिमार्जित गरी लागू गरिएको कुरा गर्नु भयो राज्यद्वारा गरिएको दमनको घोर भर्त्सना तथा कडा निन्दा गर्दै उहाँले नागरिक प्रतिको दमन गर्ने जिम्मेवार दोषी पदाधिकारीलाई छानबिन गरी तुरुन्त कारबाही गर्न र वार्ताको वातावरण निर्माण गर्न सरकारसँग जोडदार माग गर्नुभएको छ। आफ्नो कुरा थप्दै भन्नुभयो सरकारले उत्पीडित जनतालाई आफ्नो अधिकार र पहिचान माग्दाखेरि , संवैधानिक अधिकारको प्रयोग गर्न खोज्दाखेरि सांस्कृतिक तथा धार्मिक सम्पदाको संरक्षण गर्न खोज्दाखेरी राज्यले धन्यवाद दिनुको सट्टामा गोली बारूद दिईरहेको छ सरकारको यो अहङ्कार ले एक दिन ठूलो क्षति बेहोर्नु पर्ने कुरा याद दिलाउनु भयो ।
यतिबेला नेपालका सबै उत्पीडित जनताले मिलेर संगठित प्रतिकार गर्ने वातावरण नभएको हुनाले राज्य निरंकुश हुँदै गएको छ नागरिकलाई हेप्ने प्रवृत्ति बढाइरहेको छ राज्यले आफ्नो सिमा नागेर बन्दुकको बलमा शासन गर्न खोजिरहेको छ यदि राज्यसँग दम छ भने, ताकत छ भने नेपालको संविधानको विपरीत गएर हिन्दू राष्ट्र माग्ने र राजा आउ देश बचाउ भन्ने नारा लगाउने प्रतिगामीहरूको विरुद्ध कारबाही गरेर देखाओस् जेलमा हाल्ने हिम्मत देखाओस् होइन भने निर्दोष जनता प्रति बन्दुकको डर नदेखाओस शोषित पीडित उत्पीडित जनता एक भएको दिन सरकारको कुनै पनि शक्तिले रोक्न सक्दैन भन्ने उहाँले चुनौती दिनुभएको छ।
मन्तव्यको अन्त्यमा राज्यद्वारा गरिएको आतंक र निरंकुशता प्रतिगमन र मुलुकलाई पश्चगमनतर्फ धकेल्ने सबै प्रयासहरूको विरुद्ध नेपालका उत्पीडित जनता एकजुट भई लड्नु बाहेक अर्को कुनै विकल्प नरहेको बताउनु भएको छ।
