कृष्ण कुँवर, युएई । जुडा प्लाउस सांगीतिक् समुहले
दुबईको अल्फहिदि स्थित् एस. के सेभेन् हलमा अप्रिल ५ तारिख शनिवार (चैत्र २३ गते) को दिन् ११ बजे देखि २ बजेसम्म सांगीतिक् कार्यक्रम गर्ने भएको छ।
जुडा प्लाउस एक ख्रीष्टियन सांगीतिक समूह हो। २००४ मा दार्जिलिङ भारतमा स्थापना भएको समुहले पछिल्लो दुई दशकदेखि,धेरै ठाउँमा यात्रा गर्दै संगितलाई एउटा शक्तिशाली माध्यमको रूपमा प्रयोग गर्दै मानिसहरूको जीवनमा सकारात्मक परिवर्तन ल्याउने काम गरिरहेको छ।
जुडा प्लाउस सांगीतिक समुहको गहिरो आराधना र जीवन परिवर्तन गर्ने गवाहीहरूले विशेषगरी निराश र आशाहीन युवाहरूको मनमा उत्साह जगाउँदै आएको छ। ख्रीष्टको विश्वासमा आधारित भई संगीत र गवाही सु-सन्देश मार्फत् बिश्वाशीहरुलाई पुनर्स्थापना ल्याउने सांगीतिक् समुहको मुख्य उधेश्य हो, पास्टर उज्ज्वल गदालको भनाई थीयो।
जुडा प्लाउस सांगीतिक् समुहमा सदस्यहरु दानिएल गदाल–भोकल्स, गिटार, पा.उज्ज्वल गदाल– बेस, जास्पर घातानी–किबोर्ड, नवीन सुनार–गिटार, समी गदाल–ड्रम्स रहेका छन्।
यस सांगीतिक समूहले २०२४ मा २० औँ वार्षिकोत्सव मनाएको थीयो। जुडा प्लाउसका गीतहरू नेपाली ख्रीष्टियन समुदायमा निकै चर्चित छन् जुन विश्वभरका चर्चहरूमा आराधनाको गीतका रूपमा गाइन्छन्, ति मध्ये –
~अरू कोही छैन
~राजा येशू राजा
~रब्बी
~विजय
~लैबरी
लगाएतका गीतहरू रहेका छन्।
एस.के. सेभेन हलमा अप्रिल ५ तारिख शनिवार युएईमा रहेका नेपालीभाषी सम्पूर्ण मण्डलीहरूको उलेख्य उपस्थिति रहने र आशिषित् कार्यक्रम हुने बिश्वाश आफूले राखेको पास्टर उज्ज्वल गदालले बताएका छन्।
